Page 56 - Иван Мигалкин Үөрүүбүн тэҥинэн үллэстэбин. Делю радость со всеми. хоьооннор

ИИЭБЭР

Кыыс айылҕам чээл күөҕүн,
Дьэдьэннээх халдьаайым дыргыл сытын,
Өлүөнэ өрүһүм субуллар суһуоҕун,
Маҥнайгы хаарым тунал сырдыгын —
Барытын түмэммин
Биир дьөрбө сибэкки оноруом...

Дьон бары истиҥ сыһыанын,
Таптал үрдүк чыпчаалын,
Сүрэх кэрэҕэ дьулуурун,
Үөрүүттэн долгуйуу истиҥ таалыытын —
Барытын түмэммин,
Биир дьөрбөсибэкки оноруом...
Төрөөбүт Мүрүм хатын чараҥын,
Хотун Аммам сардаана сибэккитин,
Сайаҕас Бүлүүм өлгөм отонун,
Сахам сирин ырыа чыычаахтарын —
Барытын түмэммин,
Ырыанан сандаарар
Биир дьөрбө сибэкки оноруом,
Кинини уунуом,
Күн киһибэр, Ийэбэр!
1975 с., Москва

5 4