Page 58 - Иван Мигалкин Үөрүүбүн тэҥинэн үллэстэбин. Делю радость со всеми. хоьооннор

НЬУРГУҺУННААХ СУРУК

1
Сахам сириттэн туттум ньургуһуннаах суругу...
Санаа курдук түргэн көтүүнэн таҕыстым
Олорор алтыс этээспэр.
1>1{)ГН1 >

Үөрүүм миэнэ кустук буолан кууста
Доҕорбун, Африка уолун, Фикре Толосаны.
Кини сэрэнэн ылла илиитигэр
Саха нарын, сэмэй, күүстээх ньургуһун
сибэккитин:
«Эчи, сымнаҕаһын,
Кырачаан чыычаах курдук көп түүлээҕин...» —
Ис сүрэҕиттэн сөҕөн, оргууй даҕайда уоһугар.
Чоҕул хара хараҕар көстөн аастаҕа,
<>) /) нгни‘ ш’14 н 1 > [> / > 1 > г1 » 1 {
Ахтылҕан күүһүнэн минньийэ, Африка...
Таптыыр кыыһа — сүрэххэ хагдарыйбат ураты
сибэкки.
Бүгүн мин дьоллоохпун,
Сахам сириттэн ньургуһуннаах суругу тутаммын.
Дьолбун доҕотторбунаан үллэстэбин...
Барыбыт сүрэҕэр баар буолуохтуннар
Ньургуһуннаах суруктар,
Кинилэр сир аайытын көтүөхтүннэр —
Аан туманынан оргуйар
тоһуттар тымныыны да курдаттаан,
Дьэнкир мууһунан бүрүллүбүт
очуос хайалары да уҥуордаан,
Алгыс алыптаах мичээрин бэлэхтиир
Биир сүдү, ытык аартыкка таһааран.

1975 с.. Москва

56