Page 22 - Саха дьахталларыттан бастакы журналистка Мария Гаврильевна Бурцева

Дьэ, ити курдук, мин бастакы редакторбын Семен Петрович
Ковлекову кытта маҥнай көрсөн кэпсэтэрбэр минньигэс баҕайы-
тык оҕо сааспын өйдөөн ылбыттаахпын.
Урут “эппиэттиир редактор” диэн дуоһунастаах киһини аттынан
даҕаны ааспатах киһи этим эбээт. Истэ-истэ, хаһыаттан көрө-көрө,
салла саныырым.
Били хаһан эрэ коммунистары арбаабыта буолан эппиттэрин
курдук, редактор диэн оһуобай матырыйаалтан оҥоһуллубут киһи
буолуо дии саныырым.
Суох, “Кыым” эппиэттиир редактора Семен Петрович оннук
ураты оҥоһуулааҕын даҕаны, бэйэтин оннук улаханнык, үрдүктүк
туттарын даҕаны көрбөтөҕүм, киһи гиэнэ боростуойа, эйэҕэһэ, көнөтө
диэн кини эбит этэ. Миигин кытта сүрдээх истиҥ, сылаас баҕайытык
кэпсэппитэ. Төрдүбүн-ууспун, ханна үлэлээбиппин, Дьокуускайга
хаһан киирбиппин, билигин ханна олорорбун эҥин барытын түөһээн
ыйыталаста.
Олорор дьиэ оччоуо даҕаны кытаанах этэ. Мин саҥаспар, Дьүөгэ
Ааныстыырап кэргэнигэр Мотяҕа кыбыллан олорорум.
“Кыымнар” уопсайдара диэн ааттаах, саҥардыы соҕус тутуллу-
бут мае дьиэ Полевой уулуссаҕа баара. Кыра-кыра хостордоох бы-
һыылааҕа. Былдьаһык бөҕө. Редактор бэйэтэ, Ньукулай Дьорҕоо-
топ, мин быраатым Баһылай Бөтүрүөп, Өлөксөй Баһылайап, Сааба
Томскай, Испиэн Миитэрэйэп эҥин олороллоро. Онон саҥа үлэ-
лээн эрэр киһиэхэ, миэхэ хос дуома тиксэрэ “тойук” эбит ээ. Ол
туһунан Семен Петрович эмиэ сэрэппитэ.
Кини хаһыата таһаарыы “хара” үлэтин бүтүннүүтүн сүгэр ре­
дактор этэ. Ылыннарыылаах тыллааҕа. Кыыһыран-быыппастан эрэ-
рин биирдэ даҕаны көрбөтөҕүм. Көннөрү “мөлтөх”, “сыыһа”, “хат
маннык оҥор” эҥин диирин истэрим.
Редакцияҕа сүрдээх туруу үлэһиттэр бааллара. Тастан сылдьар
киһи аан бастаан көрсөн кэпсэтэр киһитэ Аана Уйбаанабына диэн
Сунтаартан төрүттээх, республика биллиилээх государственнай дея-
телэ Петр Аммосов кэргэнэ, сүрдээх сымнаҕас, дьоһуннаах үлэһит
баара. Биһиги сурукпутун аан бастаан кини сыаналыыра. Түргэн
сорудахтары толорооччу киһинэн Ньукулай Дьорҕоотоп, аатырбыт
очеркист Арсен Олбинскай, о.д.а. этилэр. Мин испэр кинилэргэ
тэҥнэһэ, кинилэри эккирэтэ сатыырым.
Редактор Семен Петрович миигин үлэбэр өрө таһааран испитэ.
Бадаҕа, үлэлииргэ баҕалаахпын, ийэбиттэн-аҕабыттан бэриһиннэр-
бит, кыра да буоллар дьоҕурдаахпын бэлиэтии көрбүт быһыылааҕа.
Үлэлээбитим иккис ыйыгар кини миигин литературнай үлэһит,
онтон сотору соҕус буолан баран, аны аналлаах корреспонденынан
ыытар буолбута. Ол курдук, түптэлэс тымныы түһэн турдаҕына Эдьи-
гээҥҥэ ыытан, оройуон аатырбыт булчутун, балыксытын, хойут оро-
20