Page 23 - Саха дьахталларыттан бастакы журналистка Мария Гаврильевна Бурцева

йуон салайааччыта буолбут Ньукулай Шемяков туһунан бүтүн биир
балаһаҕа суруйтарбыта. Ити кэмҥэ кинини ССРС Верховнай Сэбиэ-
тин депутатыгар кандидатынан туруорарга бэлэмнииллэрэ. Эмиэ ити
курдук, Арҕаа Хаҥалас оройуонуттан депутакка кандидатынан тур-
бут трактористка Гаврильева туһунан ыксал бөҕөнөн эмиэ биир ба-
лаһаны суруйтарбыта.
Семен Петрович биһиги суруйан киллэрэр матырыйаалбытын
кичэйэн ааҕара. Элбэхтик быһара-оторо, көннөрөрө. Онуоха бэйэтэ
өйдүүрүн курдук, эбэтэр бэйэтэ суруйарын курдук суруйтара сатаа-
бат этэ. Сонун санааны эттэххэ, сонун төбөнү буллахха кыра оҕолуу
үөрэн, саҥа аллайа түһэрэ. Ыҥыран ылан хайгыыра, сүбэлиирэ.
Ааҕааччылар туту дииллэрин, хайдах сыаналыылларын хайаан да
кэпсээччи.
Ити курдук, редактор суруйар үлэһиттэр санааларын көтөҕөрө.
Мин син уһуннук үлэлээбитим да, итинник эйэҕэс, сымнаҕас уон-
на бэйэтин харыстаммакка үлэлиир редакторы биири эмэ көрдүм
эрэ, көрбөтүм эрэ.
Сэрии ыарахан сылларыгар кини сынньаныа баар дуо? Сэрии
бүппүтүн кэннэ, нөҥүө сайыныгар, оройуоннарга Кыайыы ыһыах-
тара саҕаламмыттара. Үрүҥ тунах ыһыахтар!
Куорат тыаҕа көспүт — ким көтөр аалга олорон, ким авто-сыар-
ҕанан сыыйтаран.
Биһиги, “Кыым” дьоно, эмиэ хомуннубут. Редакторбыт Семен
Петрович, дьэ, сынньанар курдук сынньанарга санаммыта. Редак-
пияттан хас да киһини аргыс оҥоһунна. Атын үлэһиттэри Нам,
Покровскай, Бэрдьигэстээх, Мүрү устун сылдьалларыгар көҥүллээтэ.
Редакция кураанахсыйбыта. Арай тылбаасчыт Арсен Олбинскай
эрэ биир машинисткалаах уонна корректордаах хаалбыттара. Ол
саҕана, хата, дьолго Нюрнберг суута буола турара. Күн аайы нүөмэ-
ри толору суһал матырыйаал кэлэрэ.
Лоп курдук нэдиэлэ буолан баран, дьэ, мунньуһуннубут. Семен
Петрович дэлби молооруччу уойбут, салгын бөҕө хараарчы сиэбит.
Өйдүүн-санаалыын сырдаабыт курдук. Дьон бөҕөнү көрсөн кэпсэп-
пит, сонун бөҕөнү истибит, көрбөтөҕүн көрбүт, истибэтэҕин исти-
бит үһү.
Биһиги бары даҕаны астынан киирбиппит. Ол кэнниттэн саҥа
ойуулааһыннар, саҥа очеркалар, лоскуй-лоскуй кэпсээннэр сэки-
рэтэрийээт хоһугар уочаракка “үтүрүспүттэрэ”.
Олус холку, көнө, үтүө майгылаах киһи этэ, биһиги редакторбыт
Семен Петрович. Үрдүкү тойотторго иҥээҥниири сөбүлээбэт киһи
этэ. Обкомҥа, онтон да атын сууттарга ыҥырдахтарына эрэ сылдьаач-
чы. Өйдөөҕүмсүйүүнү, хадьардаһыыны, сирэй-харах кэтиири туо-
ратык көрөр үгэстээҕэ.
Ол да иһин быһыылааҕа, тойон-хотун өттө кэнникинэн Семен
21