Page 21 - Саха дьахталларыттан бастакы журналистка Мария Гаврильевна Бурцева

АҺАР)АС УОЛУКТААХ КИҺИ
— Сэмэн Бөтүрүөбүс хоһугар баар, — диэтилэр.
Мин тыаһа суох хааман тиийэн, хара бүрүөһүннээх ааны иһил-
лэр-иһиллибэтгик тоҥсуйабын. Бүтэҥи-саҥаны истээт, ааны аргыый
сэгэтэн, кыбылла-кыбылла, киирдим.
Балтыһахтыы тардыллыбыт икки остуол биир баһыгар үлэлии
олорор, толору эттээх-сииннээх саха киһитэ, ааҕа олорор кумааҕы-
тыттан хараҕын араарбакка эрэ, төбөтүн хамсатан, миигин кытта
дорооболосто.
Урут киирбит киһини кытта ити курдук олорон эрэн дорооболо-
һоллоро. Билигин утары хааман кэлэн дорооболоһор үгэс олохтонно.
— Күүтэ түс. Сип-сибилигин, — диэтэ уонна кини ааҕа олорор
кумааҕытыгар төбөтүн эмиэ төҥкөттө.
Урукку редактордар диэн, ити курдук, күн солото суох дьон эти-
лэр. Наборга барар матырыйаалы барытын, — бүтэһик балаһа бил-
лэриитигэр тиийэ бастакы балаһа инники ыстатыйатыттан ыла, —
ааҕан, илии баггаан ыыталлара. Оттон билиҥҥи редактордар диэн
атыннык үлэлиир дьону көрөбүн. Үлэһиттэр бэлэмнээн киллэрбит
матырыйаалларын хаһан ааҕалларын даҕаны эбэтэр аахпаттарын да-
ҕаны билбэтим. Куруук-холку дьоннор, сороҕор күнү көтүппэккэ
даҕаны ол-бу мунньахтарга, приемнарга, көрсүһүүлэргэ сылдьал-
лар. Улахан тойоттору арыаллааһын туһунан эппэппин даҕаны.
Семен Петрович обкомҥа ыҥырдахтарына эрэ, эбэтэр хаһан эмэ
командировкаҕа бардаҕына эрэ үлэлиир остуолуттан арахсар быһыы-
лааҕа.
Кумааҕытын сыҕарытта, уруучукатын уурда. Мин диэки хайыс-
та. Онуоха өйдөөн көрбүтүм төгүрүк, этиргэн сирэйдээх, ньалҕаар-
хай хара баттаҕын кэлтэччи тарааммыт. Мэлдьи мичилийэ сылдьар,
өйдөөх, элэккэй, киэҥ харахтарынан миигин көрөн олорор эбит.
Куйаас күн этэ. Сэмэн Бөтүрүөбүс кылгас сиэхтээх, аһаҕас уолук-
таах ырбаахылааҕа. Ол аһаҕас уолугунан кини ис сигилитэ барыта,
мааны майгылааҕа, ыраас дууһалааҕа, улахан сүрэхтээх киһи буола-
ра көстөн олорорго дылыта. Киһини тардан ылар, хайдах эрэ на-
рын-намчы, сымнаҕас санаалааҕа.
Мин ити түгэҥҥэ ийэлээх аҕабын өйдөөн ыллым. Сарсыарда
чэйдии олорон аҕам миигин сорудахха ыытар буолла. Кини саҥата
кулгаахпар субу киирдэ:
— Киргиэлэй, — диэтэ сүрдээх сымнаҕас, истиҥ баҕайытык, —
Кууһумалаахха баран кэлбэккин ээ. Биир кутуу чэйдэ, биир хамса
табаахта ыыттыннар дуу, хоноойоҕун.
Эбэтэр: — Бүгүн Сиэллээхтэргэ бараҕын дуу? Окко киирэллэри-
гэр сүөһү сиэбит сурахтаахтара. Үс-түөрт муунта эттэ ыыттынна-
рыый, төлүөхпүт харчыланнахпытына.

3* 19