Page 74 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

1945 сыллаах сэтинньи ыйга ылбыта.
Онон сэрии сылларыгар госпоставкалар былааннара кыа-
йыылаахтык толоруллубуттара. Оройуон дойдуга аһылык ре-
зервэтин элбэтиигэ, фрону уонна аармыйаны бородууктанан
хаачмыйыыга бэйэтин кылаатын киллэрбитэ.
Сэрии сылларыгар биһиги оройуоммутугар эмиэ үп хо-
мууруи кээмэйэ биллэрдик улааппыта. Өскө 1940 сыллаахха
3510300 солк хомуллубут буоллаҕына, 1945 сыллаахха 8184900
солк хомуллар буолбута. Ити военнай бириэмэ нолуоктарын
уонна нэһилиэнньэ добровольнай киллэрэр үптэрин суотугар
улааппыта.
Оройуон финансовай үлэһиттэрэ, үп хомуурун кээмэйэ
улаханнык улааппытын үрдүнэн, фронт наадаларын уонна
оройуон хаһаайыстыбаннай-култуурунай тутууларын тохтобу-
ла суох үбүлээһин хааччыйыы соругун чиэстээхтик толорбут-
тара, ордук сэрии кэнники сылларыгар үп хомуурун сыллааҕы
былаанын кыайыылаахтык ыыппыттара. Кинилэр үп хомуурун
сыллааҕы былаанын 1943 сыллаахха 100,6%, 1944 сыллаахха-
127,5%, 1945 сыллаахха - 159% толорору ситиспитэ.
Үп хомуурун бастыҥ үлэһиттэрэ иитиллэн тахсыбыттара.
Старшай страховай инспектор т. Колодезников судаарысты-
баннай страхование былаанын 1943 сыллаахха 112%, 1944
сыллаахха 141%, 1945 сыллаахха 175% толорору ситиспитэ.
Ол иһин киниэхэ оссо 1943 сыллаахха «Финансовай үлэ туйгу-
на» - диэн бочуоттаах аат иҥэриллибитэ.
1944 сыллаах иккис кыбаартал түмүгүнэн, былааны
189,6% толорон биһиги оройуоммут Саха АССР Министрда-
рын Сэбиэтин уонна БСК(б)П Обкомун көһө сылдьар Кыһыл
знамятын ылбыта.

66