Page 76 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

үөрэх сылыгар 405 оҕолор судаарыстыбаннай интернаттарга
ылыллыбыттара. Интернатынан, бастатан туран, байыаннай
сулууспалаахтар кэргэннэрин, сэрии инбэлииттэрин оҕолоро,
төгүрүк тулаайах оҕолор хааччыйыллыбыттара. 1942-43 үөрэх
сылыгар 12 тыһ солк сууммалаах учебнай-нагляднай пособие
оскуолаларга тарҕаммыта. Ити барыта оннооҕор сэрии кыта-
анах сылларыгар коммунистическай партия уонна Сэбиэскэй
судаарыстыба норуот үөрэҕириитин, ыччаты коммунистиче­
скай иитии туһунан аҕалыы кыһамньыларын көрдөрөр.
Сэрии сылларыгар оскуолалары тохтобула суох үлэлэтэр-
гэ, туох наада буоларын хааччыйарга нэһилиэнньэ кыһамньы-
та, көмөтө эмиэ улааппыта. Оскуолаларга көмөлөһөр иһин
дойду үрдүнэн тэнийбит хамсааһыны биһиги оройуоммут
үлэһиттэрэ иилэ хабан ылбыттара, сэрии бастакы сылларыгар,
судаарыстыбаннай интернат контингена аҕыйах буолан, холку-
остар бэйэлэрин үптэринэн интернаттары тэрийбиттэрэ, элбэх
ахсааннаах кыаллыбат оҕолору хааччыйбыттара, сорох оску­
олаларга оҕолор 60-70% ордук интернаттарга олорон үөрэм-
миттэрэ. Кэнники сылларга холкуостар оскуолаҕа көмөнү
оҥорор декадниктары сылын аайы тэрийбиттэрэ. Холобур,
оннук декадник түмүгэр 1943-44 үөрэх сылыгар холкуостар,
тэрилтэлэр 1000 кг суораты, 2949 кг үүтү, 2818 кг бурдугу, 69
кгарыыны, 1647 кгбалыгы, 1935 кг оҕуруот аһын, 303 кгэти,
2265 солк харчыны, 179 миэтэрэ мануфактуранан, 29 устууку
баата бүрүүкэлэри, 43 паара атах таҥастарын, 40 уст. Бэргэһэ-
лэри уо.д.а. хомуйан оскуолаларга биэрбиттэрэ, итини таһынан
холкуостар 42 тулаайах оҕолору толору аһатан-таҥыннаран
үөрэттэрбиттэрэ. Итинник көмөнү нэһилиэнньэ, холкуостар,
тэрилтэлэр сыл аайы оҥорбуттара.
Үгүс нэһилиэктэр, холкуостар оскуолаҕа көмөлөһөр иһин
хамсааһыҥҥа активнайдык кыттыбыттара. Найахы нэһилиэк-
тээҕи “Кыһыл Сардаҥа”, “Кыһыл Буксуур”, “Саҥа Тахсыы”
холкуостар, холобура 1943-44 үөрэх сылыгар оскуолаҕа 3
сүөһүнү, 27 кг арыыны, 150 кг балыгы, 750 кг бурдугу, 150 кг
хаппыыстаны хомуйан биэрбиттэрэ, ону таһынан 27 тулаайах
оҕолору аһынан-таҥаһынан толору хааччыйбыттара, үөрэттэр-
биттэрэ. Атын да холкуостар нэһилиэктэр эмиэ улахан көмөнү
оҥорбуттара.
Оскуолалары үөрэх саҥа сылыгар бэлэмнээһиҥҥэ Чере-
пановскай хамсааһын киэҥник тэнийбитэ. Холобур, 1942-43
68