Page 15 - Галина Никитична Иванова -Айтыына. Биобиблиографический указатель

Араас бырайыактары бииргэ үлэлэтэн

Галина Никитична - оҕо сахалыы куттаах-сиэрдээх,
ийэ тылын баайын иҥэриммит, бары өттүнэн дэгиттэр ки-
һи буолан тахсарын туһугар олоҕун анаабыт киһи. Оҕо саас-
ка анаабыт үгүс хоһооннорун кыра саастаах оҕолор уостан
түһэрбэккэ сөбүлээн ааҕаллар. Билиҥҥи үйэҕэ оҕо уус-уран
литератураны, чуолаан ордук сахалыы кинигэни умсугу-
йан аахпат буолуутун проблемата турар. Онон оҕо умсугу-
йан ааҕар, төрөөбүт тылынан уус-ураннык саҥарар-иҥэрэр,
этэр-тыынар ис күүһүн, барытын уһугуннарарга хоһоон,
поэзия тылын сабыдыала улахан диэн санааттан сиэттэрэн,
«Хоһоон түһүлгэтэ» диэн бырагыраама оҥоһуллан бэйэбит
улууспутуттан тахсыбыт бэйиэттэр хоһооннорунан күрэх-
тэри ыытыы үгэскэ кубулуйда.
Ол курдук 2006 сыллаахтан суруйааччы Г. Н. Иванова-
Айтыына хоһооннорунан аан маҥнай нэһилиэк уһуйаанна-
рын уонна оскуола алын сүһүөх кылаастарын үөрэнээччи-
лэрин ортотугар «Хоһоон түһүлгэтэ» бырайыагынан
саҕалаабыппыт. Оҕо бэйэтин тулалыыр олоҕун кытта бил-
сэн, кини тылын, болҕомтотун, толкуйдуур дьоҕурун, дор-
ҕоону чуолкайдык саҥарар үөрүйэхтэрин сайдыытыгар
анаммыт «Хоһоон түһүлгэтигэр» улуус оскуолаларын үөрэ-
нээччилэрэ, уһуйааннар иитиллээччилэрэ, төрөппүттэрэ
көхтөөхтүк кытталлар. Кыттыбыт оҕолор төрөөбүт төрүт
тылларын сүмэтин билэн улааталларыгар, төрөөбүт тыл-
лара сүппэтин туһугар дьулуһуохтара диэн уһуйааччылар
эрэнэллэрин этэллэр.
2006 сыллаахха сайын оҕо библиотекатын иһинэн
айар дьоҕуру сайыннарар «Мичээр» лааҕыры үлэлэппип-
пит. Бу айар дьоҕуру сайыннарыы уустук үлэтин Г.Н. Ива-
нова-Айтыына салайан ыыппыта. Оҕолору хоһоон, кэпсээн,
остуоруйа суруйуутугар, интервью ылыыга үөрэтэн, лаа-
ҕыр үлэтин түмүгүнэн оҕолор бастакы суруйуулара «Мүрү
саһарҕата», «Кэскил» хаһыаттарга, «Чуораанчык» сурунаал-
га бэчээттэнэн, хоһооннорун, кэпсээннэрин «Мичилийэр
мичээрдэр» диэн хомуурунньукка таһааран оҕолор айар дьо-
ҕурга куорсун анньыммыттара. Билигин ол хайысханан хас
да оҕо идэлэрин талан үөрэнэ, айа-тута үлэлии сылдьаллара
биһигини үөрдэр. Бу тэрээһиммитин өссө кэҥэтэн, 2009 с.
Айтыына бирииһигэр кэтэхтэн хоһоон, кэпсээн, остуоруйа
суруйуутугар аһаҕас литературнай уус-уран куонкуруһу
улуус 5-11 кылаас үөрэнээччилэрин ортотугар ыппыппыт.
Куонкурус түмүгүнэн «Айар санаа ыллыгынан» хомуурун-
ньук бэчээттэммитэ. 2013 с. Айтыына остуоруйаларынан