Page 11 - Галина Никитична Иванова -Айтыына. Биобиблиографический указатель

Айыы аймахтарын алаһа дьиэтэ
Аарыгырар-айхалланар
Үтүө кэмэ уүннэ.
«Киһи - санаа кулута» диэн өбүгэ өһүн хоһооно этэр.
Оттон Галина Никитична олох туһунан анаарар, ырытар
хоһоонноругар саныыр санаата эгэлгэлээх. Баар эбит эрэл
санаа, бигэ санаа, бөҕөх санаа, ыра санаа («Эрэл»), быстах
санаа, ыллыыр-туойар санаа, ыра сана туллуга («Уһугунна
мин иэйиим»), сана сарыала («Ырыа диэн тугуй»).
Киһи барахсан бу орто дойдуга олорон ааһар бэрт кыл-
гас кэрдиис кэмигэр бэйэтин аатын ааттатар үйэлээҕи оҥо-
рон хаалларарга дьулуһар: ким элбэх оҕолоох, ким үлүскэн
үлэһит, ким айар үлэһит, ким бастыҥ спортсмен:
Олох ыраас сыа хаарыгар
Атах суолун хаалларбатах буоллахха,
Олох олорботох да ордук.
Ааптар намыын куолаһынан күннэтэ тугу эмэ оҥорор-
го, тугу эмэ ситиһэргэ сүбэлиир:
Халтай хаарга хаампакка,
Сирэм күөххэ сиэлбэккэ
Ситиһиэххэ тугуэмэ,
Оноруохха тугуэрэ.
Айтыына айар үлэтэ олоҕу таптыыр, олоҕу туругурдар,
олоххо эрэнэр ис тыыннааҕын «Олохтон күүтэбин», «Оо,
дьылҕам» хоһоонноро кэрэһилииллэр:
Олохтон күүтэбин
Олус элбэҕи:
Дьолу-соргуну,
Уйгуну!
Иккиһинэн, Галина Никитична дьахтар дьолун туһунан
бэрт муударайдык бөлүһүөктүүр. Олохпут тухары дьулуһар
дьолбут кустук сэттэ өҥүнэн арылыйа оонньоон мэлдьи ин-
никигэ кынаттыыр уратылаах:
Дьахтар дъолун билэммин
Дьол тааһын мин булларбын,
Дьолго биирдэ тиксэммин
Дьол кустугун куустарбын.
Айар киһи бэйэтэ ураты буочардаах, ураты куоластаах
буоллаҕына эрэ, кини айымньыта ааҕааччы өйүгэр-санаатыгар
иҥэн хаалар. Мин санаабар, Айтыына бу айымньытыгар хоһуй-
бут «дьол кустуга» диэн уобарастааһына кини уратыта, булум-
ньута буолуон сөп. Ол курдук ааптар сэттэ өҥүнэн арылыйа
оонньуур кустук дьүһүлгэнигэр ырыаны, сахабыт тылын дьүө-
рэлии көрөр. Ол да иһин Айтыына лирическэй геройа толору
дьоллоохтук сананар өрөгөй түгэнигэр кустуктуун куустуһар.

9