Page 16 - Галина Никитична Иванова -Айтыына. Биобиблиографический указатель

5-с улуустааҕы көрүү куонкурус ыытыллыбыта. Манна улуус
оскуолаларыттан 53 оҕо кыһаллан-мүһэллэн, кинигэ оҥо-
рон ойуулаан, остуоруйа айан кыттыыны ылбыттара.
2014 с. «Алаас уола» бырайыакка кыттыһан, алаас иһи-
нээҕи оскуолалар уоланнарыгар күрэс ыытан саҕалаабып-
пыт, билигин улуустааҕы күрэххэ таҕыста.
«Алаас уола» күрэс сыала-соруга: уол оҕону төрөөбүт
дойдутун туһунан төһө билэрин тургутуу. Төрүт түөлбэтин
таптыыр, төрөөбүт дойдутугар бэриниилээх, олорор сирэ-
уота ыраас, ото-маһа күөх буоларын туһугар кыратыттан
кыһаллар, айылҕаҕа харыстабыллаахтык сыһыаннаһар,
тулалыыр эйгэтин сэҥээрэр, үөрэтэр, чинчийэр баҕалаах,
экологическай култуураны өйдүүр уонна ылынар ыччаты
иитии.
2015 сыллаахха Галина Никитична «Кыыс оҕо - омук
анала» бырайыага кыыс анала - ийэ буолуу, ийэ буолар өй-
дөбүлү улаатан эрэр кыргыттарга анаарыы буолар. Бу бы-
райыактар улахан саастаах оҕолорго сэҥээриини ылан,
сылтан сыл кыттааччы ахсаана элбээн иһэрэ үлэбит сөптөөх
хайысханы тутуспутун туоһута 2024 с. республикаҕа «Рос-
сия ийэлэрэ» хамсааһын «Кыыс Куо» диэн анал бырайыа-
гынан үлэлэрин саҕалаатылар.
Галина Никитичнаны кытта үлэлиир бырайыактарбыт
өссө сайдан, ааҕыыга баҕа үрдүүрүгэр, оҕо дьоҕура сайда-
рыгар, иэйиитэ уһуктарыгар, төрөөбүт тылга, төрөөбүт дой-
дуга, литератураҕа таптал үөскүүрүгэр олук уураллар. Оҕо
библиотеката үлэтин «Өбүгэлэрбит итэҕэллэрэ» хайысхаты-
тар педагог Г.Н. Иванова-Айтына «Өбүгэ үгэһин утумнаан»
диэн кинигэтин түһүмэхтэринэн «Квиз-Плиз!» интеллек-
туальнай оонньуу орто сүһүөх кылаас оҕолоругар, эдэр тө-
рөппүттэргэ ыытыллан киэҥ сэҥээриини ылар.
Төрөөбүт сахабыт тылынан ылбаҕайдык, ыпсаран этэн
уонна оннук ылыннарыылаахтык тутан-хабан, имитэн-хо-
мутан суруйбут «Элэмэс аттаах Эрэли бухатыыр» олоҥхо оҕо
киһи иэйиитин уһугуннарарга, тылын, толкуйун сайынна-
рарга олус улахан суолталаах айымны буолар. 2024 сылга
Олоҥхо декадатын чэрчитинэн уонна Айтыына төрөөбүтэ
75 сааһыгар, кини олоҥхотунан оҕо библиотеката IV «Олоҥ-
хо түһүлгэтин» тэрийэн ыыттыбыт. «Олоҥхону уруһуйдуу-
бут» уруһуй дьиэ кэргэнинэн «Олоҥхо дойдутугар айан»
остуол оонньуутун айыыга тэрээһиннэр элбэх оҕо-аймаҕы
түмтэ. Түһүлгэни «Олоҥхо дьиэтэ» этнокультурнай киин кэ-
лэктиибэ «Элэмэс аттаах Эрэли бухатыыр» олоҥхону куу-
куланан оонньоппуттарын, Лөгөйдөөҕү лицей-интернат
үөрэнээччилэрэ толорбуттарын оҕолор сэргээн көрдулэр.
4