Page 12 - Галина Никитична Иванова -Айтыына. Биобиблиографический указатель

Хоһоонньут дьахтар сирдээҕи дьоһун дьолун кини маа-
ны майгытыгар, сылаас сыһыаныгар, дьоҕуругар, сатабыл-
лаах күүстээх санаатыгар, тарбахтарын талааныгар, истиҥ
иэйиитигэр, бигэ туругар - кини дьиэ кэргэнигэр көрөр.
Маныаха кыыс оҕо кийиит буолан сүктэр ытык аналын
туһунан хоһоонноро Далбар Хотуннарга үтүө сүбэ буолаллар
уонна кэрэчээн кийиит кыыска сылаас сыһыаны иитэр ди-
риҥ бөлүһүөктүү көрүүлээхтэр:
Дъоллоох эрэ аймахха
Сүктэн киирэр кийиит кыыс,
Оҕо-уруу төрөтө,
Удъуорууһун тэнитэ.
ДъылҕаХааттыт бэлэҕин,
Кырдьар сааскыт тирэҕин —
Кийиит кыыһы маанъишан',
Кийиит кыыһы ытыктааҥ!
Галина Никитична айар үлэтигэр бигэ туруктаах ыал
общество туллар тутааҕа буоларын өрө тутар, ааҕааччыты-
гар бу санааны иҥэрэр:
Ыал аҕата - аҕа баһылык,
Дъиэ Тойон өһүөтэ,
Ыал ийэтэ - ДалбарХотун,
Дъиэ харысхал ымыыта.
Үсүһүнэн, Айтыына хомоҕой хоһоонугар бастакы тап-
тал, үйэлээх таптал туһунан иэйиилээхтик суруйар. Ма-
ныаха дьахтар уйан дууһатын хаппахчытын сэгэтэн, кини
тапталга харыстабыллаах, бэриниилээх сыһыана көстөр.
Таптал олоҕу сүрүннүүр күүс буоларын ааптар тапталы
дьыл түөрт кэмигэр дьүөрэлээн хоһуйуута саха киһитин
олоҕу көрүүтүгэр чугас, ол иһин итэҕэтиилээх. Таптал таа-
йылла илик таабырынын хоһоонньут мындырдык быһаа-
рар, кини барыны кыайар күүһүгэр итэҕэйэр:
Таптал таҥара талбытынан дъаһайар,
Эн сааскын ыйыппат, солоҕор наадыйбат,
Бэйж да билбэккин таптал былааһыгар
Билиэн киирбиккин, бас бэриммиккин.
Туох барыта бүтэр кэмнээх,
Олохэмиэ бүтэр уһуктаах,
Арай таптал мэлдъи эдэр,
Өлбөт-өспөт уһун тыыннаах.
Айтыына хоһоонун уус-урана кини ураты ойуулааһы-
ныгар, дорҕоонун дьүөрэлээһинигэр, тэҥ кээмэйигэр, дьү-
һүлгэнин күүһүгэр көстөр: