Page 211 - Былыр этэ диэххэ

айаннаан истэҕим дии. Эһиги курдук ойоҕо, оҕото суох киһи
туохха ыксыахпыный», — диэн хардарбыт. Дьэ буолар да эбит...
Баах аҥаарынан айанныыр сиргэ икки хонугу быһа айаннаатаҕа.
Буолуох киһи буоллаҕа.
Кэпсээммит сүнньүгэр киириэххэ.
Дьонтон дьалты, ким да үктэммэт сиригэр тиийэн муостуурга
быһаарынар. Үс хас ыйга кыһаллыбат гына кыһыны быһа ки-
лиэп хаһаанан суухараланар. Уу аһын астанарыгар мас арыы-
тын, чэпчэки сыаналаах майаныаһы, саахар, чэй өйүөлэнэр.
Бөһүөлэктэн өрө Ойуун Үрэҕин өксөйөр. Уолбут сирэ Кэбэргэнэ
диэки өттүгэр, Халыма быыһын эргин улууһун дьоно түүлээхтир,
киис хаамар сиһигэр муос көрдөөн көрүөхтээх. Бэйэтин айаны-
гар холунан төннөр бэнсиинин ылынан, кырдьык да, балай эмэ
куруустаах, бөһүөлэктэн саҕалаан сыннаран уһун айан саҕаланар.
Сааскы уу тахсыытын баттаһа тиийиэхтээх. Күһүҥҥү ардахтар
уулара угуттаатаҕына төннүөхтээх. Бу эргиннээҕи систэн тардыы-
лаах кыра салаа үрэхтэр сайын хатан хаалар идэлээхтэр. Быйыл-
гы дьыл мин муосчутум былаанын хара ааныттан алдьатта. Үрэҕэ
сааскы ууттан бэрт дуона суоҕу эбиммитинэн сүүрдэн, бытаан
айаны кэтэһэ сатаан лаппа уута түстэ. Ыар куруустаах айанньыт
луоккатын соһо сатаан, тиийиэхтээх сиригэр тиийбэккэ аара тох-
туурга күһэлиннэ. Хайыай, тосхолунан быһа тиийиэхтээх сири-
гэр сатыы хаста да кырынан малын таһынна. Уолбуттар түүлээх-
ситтэрин үүтээнэ сэнэх. Аны да кэлэрдии сир киһитин сиэринэн
барыны бары уурунан барбыттара илэ көстөр. Сирдээх дьоҥҥо
орооспот гына тэйиэс балаакка тардынна. Антах, бөһүөлэккэ
картаҕа көрбүт муосчуттар көрдүүр систэригэр хабааннаах, Ин-
дигир икки Халыма арҕаһа диэн бэлиэтэнэр сис кырыытын кар-
таҕа көрөн кэлбитэ. Эбиитигэр көмпүүтэри сатыыр дьонунан
уһултаран ылбыта. Муус үйэ саҕана күрдьүллэн үөскээбит сис
буолуохтаах. Үрэх баһын уһун ыстыыр тимиринэн анньыалаан
көрдүүр. Хоту сир тоҥо чугас. Төҥкөҥнөөбөт гына уһата оҥос-
тубут уһуктаах тимирэ туох да ордуга-хоһута суох икки миэтэрэ.
Өҕүлүҥнээбэт гына оҥостубут тимирэ 12 миллимиэтирдээх ха-
тарыылаах сындааһын. Биһиги курдук дьоҥҥо тута да сылдьарга
талгыс уһун тимир. Бу курдук дьарыктанан күһүнэ бу тиийэн
кэллэ да үрэҕин уута көтөҕүллүөх быһыыта суох. Луоккатын бы-
рахпыт тоҕойуттан хас да тоҕойу аллараа, бэрэбиэркэҕэ сатыы
33