Page 217 - Былыр этэ диэххэ

анньан, ойбон курааҕа тоҥо илигинэ өрө сүгэн тахсан тоҥордоҕо.
Оҕоос сордоҥноро туттаҕа дии санаан, чороохпун кэһээн муустан
араара сатыыбын. Ортоку ойбоммунан илимим курааҕын баттаан
көр. Төрүт тиҥ курдук. Илимим устунан кэһии-кэһии баттыы
сатыыбын да, ыраахха диэри тоҥмут бадахтаах. Олифалаах биэс-
тээх ситим мин тартаҕым аайы быстыа дуо. Үтүҥэх ыытар ачаа-
ҕынан баттыы-баттыы тардабын да кыайтарбата. Уонча хаамыыны
кэһээтим. Чороохтон сүүрбэччэ хас хаамыы сиринэн кэлэн аспыт
быһыылаах. Илимим хоппуруон отун бирээмэ подбуодунай луокка
кэлэн көҥү анньан барбытын курдук улахан бэйэлээхтик алдьап-
пыт. Бэйэтэ мэлигир. Ортотун диэки биир мин саҕа сордоҥ туппут.
Балык дьоно кэпсииллэринэн, улахан сордоҥ икки өттүгэр кынат
саллааттардаах аһылыктыы тахсар. Саллааттара үүрэн биэрэн
тойоннорун аһаталлар үһү. Иккис илиммэр хас да мыраҕаттаны
кытта биир оччо кэриҥнээх сордоҥ эрийбит. Саллааттарыгар тэҥ-
нии сатаан тойонноро хачча буолуон өйүм хоппото. Сордоҥнорум
истэрин хайытан көрбүтүм, күп-күөх, ырыгаттар. Бөһүйбүттэрин
кэннэ ойбон хайыҥар туруору анньыталаан кэбистим. Балык дьо-
но ити курдук хара тыа хаһаайыныгар — суорга өлүүлүүр идэлээх-
тэрин билэбин. Уум көһө икки илим устатыттан ыраах кэтит. Онто
да суох аҕыйах астаах сиртэн өссө төһөнү көрдөһүөхпүнүй. Айахха
сиири син бултаатым. Мантан ордук бултаан бүт диэн бэлиэ оҥор-
до ини диэн бэйэбин уоскутуннум.
Кэлэ-бара дьиэм таһыгар, хараалга ыһыллыбыт эбиэскэ түһэр
хабдьылары биир ийэ ууһун ыллым быһыылааҕа. Кэргэним сыа-
та-арыыта суох ас диэн сөбүлээччи. Сотору массыыналар кэлэннэр
эппин тиэнэн бардылар, онон хата үлэм бүтэн эрдэ дьиэлээтим.
Сыарҕабын харалаан саха тэҥэ суох дьиэбин, дьоммун буллум. Ол
сайыныгар сылгыһыттар дьиэлэрэ батан олордубатаҕыттан саҥа
атын дьиэ туттан сайылаабыттар. Миигиттэн ыйытааччылар: тугу
эмэ көрбүтүҥ, истибитиҥ дуо диэн. Ама көрө-көрө сэлээннэнэн
олорор сүрэхтээҕи-быардааҕы миигин булбуттар дии. Көстүбэт
киһитигэр көстүбэт быһыылаах. Сылгыга сайылыыр дьылбар На-
чаала оҕонньор ити сылдьар, бу сылдьар диирэ да биһиги тугу да
көрбөт этибит. Хонто — соҕотоҕун сиргэ хонукка да хоммот сүрэҕэ
алдьаммыт киһи, кини да көрдүм диэччитэ суох.
Былыр диэххэ. Эдэр сылдьан Навалом Кешаны кытта Арҕаа
Талахтаахха сааскы хара куска Улахан Күрүө ойоҕоһугар Арыы-
39