Page 242 - Былыр этэ диэххэ

Оллоон кэҥэттэн чалбараҥ аһааһын саҕаланна. Дойдубут ки-
һитэ ол да гыннар үөрүүтэ-көтүүтэ сүр. Үйэтигэр аан бастаан
сара хааһы бултаабыт. Арыгы да иһилиннэ, ырыа да ылланна.
Түмүгэ — уонтан тахса эр бэрдэ биэс эрэ хааһы сиэбиппит. Сар-
сыныгар киһибит оронуттан турбата. Хаас силиитин, сыатын
дэлби сиэн түүннэри дьаам сүүрдэн, маҥкырдаан иннин-кэн-
нин билиммэт буола хоммут. Онтукайыгар өлөттөрөн икки күн
сытан турбута. Хаас этин көрө-көрө өҕүйэрэ. Нэдиэлэҕэ кэл-
бит киһи үһүс күнүгэр өндөйдө. Икки күҥҥэ ыраастамматах
сааны сотуу-сууйуу кэмигэр хата биһиги күндү сааны сиһилии
көрдүбүт. Ойуу-бичик бөҕө, дьэ, кырдьык, устуучунай диир саа-
лара эбит. Хаатыгар чуумпура, ыраастыыр убаҕаһа, арыыта анал
иһиккэ сылдьаллар. Маннык саанан ама сыыһа сылдьыам дуо
дии сананныбыт. Бултаатахпыт нөҥүө күнүгэр бэсдэхоттаахтар
кэлэн булпут улахан аҥаарын илдьэ баран абыраабыттара. Орду-
гун көппөххө көмпүппүт үрдүнэн сотору хахсыйан сибиэһэй аһы
аһыы сылдьар киһи соруммат гына эргэрбитэ. Былыт оҕонньор
эмтийбит эт сымныыр диэн сии сатаахтыыра. Таба сүүмэрдээһи-
нин кэмигэр учуонайбыт анал олох мастанан суруйар. Ол тухары
оҕонньорбутун аттыттан араарбат. Хам-түм иһиттэххэ, солуута
да суоҕу бэрт уһуннук ыаһыйалаан ыйытан өйдүүр быһыылаах.
Биһиги Былыппыт билэрэ элбэҕинэн бирээмэ бэйэтэ учуонай.
Бултаатахпыт нөҥүө күнүгэр табаҕа сылдьан көрдөххө, ула-
хан сиһи быһа түһэн сатыы хаастар биһигиттэн тэйиэс улахан
күөлгэ түһэрдии хотоҕос курдук субуһа айаннаан эрэллэрэ. Хомо
айааныгар балык арааһа. Холуйан көрөн сиикэйдиири бултуубут,
өрөҕөтүн туустуубут. Атынын табаҕа ыһабыт. Балыкка уойбут ыт
сүрэҕэ алдьанан табаҕа барбат. Сохон аһы аһыыр. Буос табаҕа
тугу да бэрсибэппит. Ити курдук муора барахсан киһитин, таба-
тын өлгөмнүк күндүлүүрүттэн табалыын, киһилиин хаҕыс тыал-
лаах, хайыр таастаах муорабытыттан үйэ-саас тухары арахпаппыт.
Оннооҕор мэйиилэ муора арыытыгар көһү көһүнэн харбаан кии-
рэн сайылыыр. Онно төрүүр-ууһуур. Бырдахтан куотан сэниэ
киллэринэр. Дьэ оннук Туундарабыт муоратын кырыытын ба-
раммат баайа.

Булуҥ, Намы
64