Page 247 - Былыр этэ диэххэ

ринэ чугаһаабакка эрэ аһы быраҕа сылдьаллара үһү. Ол иһин
үтүөнү үтүөнэн төлүүр гына төрүөҕүттэн төрүөҕүн такайан үйэ-
тин тухары ыстааданы харабыллыыр былыр үйэ өлбүт ойуун тыы-
на курдук ымыы буолаллара үһү туундара дьиҥнээх бөрөлөрө.
Кэпсээнтэн кэпсээн. Күһүн балаҕан ыйын ортото. Оҕолор
үөрэнэ бараннар биһигини чуҥкуппуттара ыраатта. Туундара
бараныыта Куобахчаан үрэх тардыытынан мас саҕатыгар тах-
сан эрэр кэммит. Сибээскэ сэрэппиттэрин үрдүнэн биир күн
Мэйиилэ кэтэҕэр олорбут бөрөлөртөн буолуо, быстан кэлэн
суумабытыттан уон алта табаны сиэбэккэ таах тардан аастылар.
Онон симиэнэнэн диэн, түүннэри маныыр балаһыанньаҕа сыл-
дьабыт. Мин Буурсап Буобка диэн эдэр уолу кытта. Көстөкүүн
Арыйааны кытта. Оттон Ыстаарыһын Миитэрэй күнүһүн көмөҕө
сылдьар. Үрэххэ дьарҕаа, быйыт, сөһүү устан аҕай эрэр. Уолбу-
наан бултуур баҕаҕа кыра соҕустук утуйан тураат уһаарбалыы
сылдьабыт. Буобугум илим анараа кынатын соһон иһэн дьэргэл-
гэн оонньууругар көрдөҕүнэ, биир маҥан аттаах киһи үөр табаны
үүрэн иһэрэ көстүбүт. Эс, доҕор, баччалаах дойдуга хайа бэйэ-
лээх аттаах киһитэ кэллэҕэй диэн итэҕэйбэтим. Уолум көрбүтүн
итэҕэтээри чуораа ураһатыгар бөнүөкүлгэ ыстанна. Миитэрэйи
кытта аймаан иккиэн өгдөрөҥнөһөн таҕыстылар. Миитэрэй чуо-
раа таһыттан ырааппакка бүнүөкүллүү хаалла. Бүнүөкүл кэлэ да
илигинэ дьэргэлгэн быыһыттан табалар иһэллэрэ дьэрэлийэн
ааспытын мин кытта көрдүм. Бүнүөкүл кэлбитигэр харахпын
араарбакка кэтээн турдахпына, табалар кэннилэриттэн маҥан
уучахтаах, кубаҕай бириһиэн кууркалаах быһыылаах, былыргы
оҕонньоттор курдук, былаат мааныылаах киһи сыыдам соҕустук
сиэллэрэн иһэр. Кэлэн бэтэрээ үрэх эниэтигэр үүммүт талахтар
мэһэйдээннэр сүтэн хааллылар. Хоноһону көрсөөрү балыктаан
бүтэн, илиммитин эһэн, балыктарбытын хааланан балай эмэ кэ-
тэһэн турдубут да киһибит да, табалар да биллибэтилэр. Хайа
сатананый? Быстыбыт табалары аҕалан истэҕинэ табалара, араа-
һа, аһары түстүлэр быһыылаах, баран күөйсүс диэн Буобканы
уучахтаан ыыттыбыт. Миитэрэй да табалаах киһини эмиэ көрбүт
да, кимин быһаарбатах. Миигин арыый чугас киһи кини биллэ
ини дии санаабыта, билбэтим. Аны уолбут уһаата.
Табалар ити утары хотоолго аһыы сылдьаллар. Киһи мэлигир.
Дохсун соҕустук хамнаппыт быһыылаах, уйулгулара хамнаабыт
69