Page 244 - Былыр этэ диэххэ

Мин кинилэргэ тэҥнэһиэм дуо. Ботуруон аҕыйаҕынан дуу, саас,
күһүн бу хоту эҥэр бары да диэххэ, куһу мээнэ бултааччыбыт
суох. Ол иһин оһуоба кыра кус ыһар буор курдук үөскүүрэ. Дьон-
нор күһүҥҥү куһу лаппа уойбутун кэннэ обургуларыттан айах-
ха эрэ бултууллара. Сайын уу-хаар бырдырҕас кус. Хара аспыт
бараннаҕына да кустаан эбиммиппитин өйдөөбөппүн. Бэл ыттар
кус оҕотун тэпсэ сылдьан кыһанааччылара суох. Ыстаадаҕа сыл-
дьан күһүн сара куһу - хааһы сонуҥҥа тутатына сиирбитин эрэ
аҕыйаҕы, эдэрдэргэ биһиэхэ бултаталлар. Хахсыйара түргэниттэн
бултаабыт дьон биһиги бастакынан аккаастанааччыбыт.
Күһүҥҥү киһи күлбүтүнэн диэн этии табаһыт киһиэхэ барсы-
бат. Табалар уойа-тото сырыттахтарына хара аспыт бараннаҕына
да көрө сылдьар табаларбытыттан харыһыйан идэһэлэнээччибит
суох. Биирдэ оннук кэмҥэ, туһунан оллоонноох булчут буолтум
кэннэ, ыстаадам дьоно бултата ыыттылар. Идэбитинэн эмиэ бо-
туруон кэмчи. Олохпутуттан соччо ырааҕа суох сиргэ биир та-
йаҕы утары көрсө түстүм. Туора ойон эрдэҕинэ сиһин ороҕун
устун сыыйтара ыттым. Тайаҕым биирдэ ньахчас гынан хаалла.
Уучахпынан сүүрдэн кэлээт, ойон түһэн сүнньүгэ анньан тыын
салгыахха диэн санаалаах сүнньүн ойбонун быһахпынан бигии
олордохпуна, ойон турда. Соһуччута бэрдиттэн эһиллэн хааллым.
Ойон туран саабар ыстанан эрдэхпинэ, аҕыйахта да атаралаатар
балай эмэ ырааппыт тайаҕым иккистээн оҕутта. Уучахпын миинэн
сиэллэриэх курдук эргиллиибэр ол курдук биир иһэр. Дьэргэлгэн
оонньууругар балыйтаран кыраны да киһи улаатыннара көрдөр
да, ыаллыы ыстаадаттан Уһун Өлөксөй диэн киһилэрэ ыраахтан
тайах саҕа улаата көстө мэҥэлдьитэн кэллэ. Эмиэ биһиги курдук
хара ас көрдөнө сылдьаллар эбит. Куоттардым дии санаабыта, саа
тыаһын хоту кэлэн иһэн тайахтан бырахтарарбын ыраахтан көр-
бүт. Аны табаттан ордорон тайаҕы миинэр буолбуккун дуу диэн
эйэргээн күлбүтүнэн кэллэ. Бу сырыыга ботуруоммун харыһый-
дарбын да, туора киһиэхэ киһиргээн дуу, кулгаах тааска ытан
тыын салҕаатым. Көмөлөөн астаан кэбистибит. Кырдьык, кый-
даммыта биллэр этэ. Сиһин булгу ыттаран, иккистээн хата наһаа
ырааппакка охтубут. Кинилэр ыстаадаларыгар элбэх, сыалай би-
ригээдэ сайылаан сылдьаллар. Оҕо-уруу толору дьоно. Тиксии-
гэ билсиилэрэ дэлэй, ботуруону булаллар аҕай. Өлөксөй тайахха
бырахтаран өлүөх киһигин диэн күлэ-күлэ уонча ботуруону бэ-
66