Page 271 - Былыр этэ диэххэ

тиийдэхпинэ бүнүөкүллүүр идэлэнним. Бараммын «дьэдьэн» үр-
гүүбүн. Биирдэ көрдөхпүнэ, үллэн аҕай сытар эбит. Аргыый чу-
гаһаан кэлбитим, хайыы-үйэ түһэн барбыт этэ. Онтон ыла табаа-
рыстаспатах киһи диэн сыбыытыырбын тохтоппутум. Биирдии
киилэлээх истэкилээҥкэнэн кэтэһэ сытар дьоммор бөһүөлэккэ
киирдэхтэринэ кэһии гыналларыгар ирээттээбитим. Онтон ордук
ханна гынаары үргэһэ сылдьан эһэҕэ сэлээнниэхпиний.
Сайын ортото — чычаас уулаах күөл уута муҥутуу сылыйан
күстэх түһүүтэ саҕаламмыта. Биир аҕыс уон киилэ истээх мас
буочукаҕа Паростаны кытта сиэнтэн күстэх бултаан тууһаатыбыт.
Күстэх илимин сэмнэҕин сиэҥҥэ туора тардан туран икки өт-
түттэн кырыыга эһэбит. Чаас аҥаарын кыайбат курдук эстибит.
«Пароста» бөртөлүөччүктэргэ биэрдэххэ ылыахтара диэн киһим
бүк эрэнэр. Бу аспыт сотору сахсырҕа ыһан сытыйан таҕыста.
Куолча этэринэн, истэммэтэх эмис күстэх хайдах да тууһаатахха
иһиттэн сытыйан тахсар үһү. Биһиги диэтэх дьон ол Куолча этэ-
ригэр киириниэхпит дуо. Пароста дьаһалыттан ханна куотуохпу-
нуй. Сааскы күстэҕи истэри-байдары тууһаан ахан кэлбит дьон
хас киһи тылыгар киириниэхпитий. Иккис сырыыга да истээн
эрэйдэммэт сыаллаах «Пароста» харса суох ынах сиир тууһунан
үп-үрүҥ гына бэйэтин илиитинэн-атаҕынан туустаата. Ол кэннэ
сиэн үрдүнээҕи иччитэх балокка киллэрэн муннукка олордон кэ-
бистибит. Ол күстэхпит да сотору сытыйан тахсыбыта. Бөртөлүөт
кэлэ сырыттаҕына хата күстэх түһүүтэ бүтэ илигэ. Сибиэһэйдии
икки куулу биэрбиппитин ылбыттара. Манньатын мин көтүһэн
тахсан Күрүүҥкэ, Сайылык эйгэлэрин көрөн түспүтүм. Онон
ыйдаран ханна ханнык сир баарын билэҕин.
Күрүүҥкэ таалатын утары тумуһахтаах. Хата бу тумуһах сыл-
гыны балай эмэ тута түспүтэ. Сайылык уута түһүөн биир сыл
иннинэ эрдэ түспүт. Онон ходуһа сирдээх. Тумуһаҕыгар сыл-
гы буоралыыр дьаардаах. Дьаарын тэллэҕэр мааман, носорог,
бизон, онтон да атын кыыллар кыра, улахан уҥуохтара тахсан
куурбута-хаппыта ырааппыт. Балай эмэ элбэх биир сиргэ ыһылла
сыталлара дьикти. Кыргыттар платформа бачыыҥкаларын саҕа
мааман тииһэ хата чэгиэн көстүүлээх, саһара ыыстыйан сытар
буолааччылар. Носоруок муоһун хайа абааһытай диэн тэбэн
көрөөччүбүн. Ол эбит саамай сыаналаах муос.
Күһүммүт тиийэн кэллэ. Иэгэрбит бөһүөлэктээбитэ. Күрүүҥ-
93