Page 272 - Былыр этэ диэххэ

кэттэн кустаан кэлэн иһэн иччитэх балогу көрөн ааһаары халый-
дым. Балок айаҕар таһырдьа барыанньаны тохпут курдук эһэ
сибиэһэй сыптарыҥа дьаархатта. Сугун барыанньата барыан-
ньанан. Саабар картеч уктан улахан сэрэҕинэн балок аанынан,
түннүгүнэн туох эмэ элэҥниирин көрөөрү чуҥнаатым. Туох да
суоҕун итэҕэйээри истиэнэҕэ маһы быраҕаттаатым. Лүс гынар
тыастан ордук туох да баара биллибэтэ. Сэрэнэн өҥөйбүтүм,
ууруулаах аспыт аҥаарыгар диэри көҕүрээбит. Балоктан дьиэбит
көстөн турар. Баара-суоҕа биэрэстэ аҥаара ини. Тиийэн дьом-
мор кэпсиэ — айан эһэтэ буолуо дэһистилэр. Иккис сырыыбар
соруйан таарыйардыы эмиэ ыраахтан көрүөлэспитим, буочукам
таһырдьа тахсан сытар. Чуҥнаан-чуҥнаан, эмиэ маһынан там-
наан туох да суоҕун билэн кэлбитим, буочукам ып-ыраас. Бүүс-
бүтүн, ким эрэ таһааран хатара уурбутун курдук ойоҕоһунан түһэ
сытар. Балок да иһигэр балык ньамаҕа мэлигир. Ыраас туттуу.
Ону истэн Пароста: «Туоккатына тууһу балай эмэ тутта сатаабы-
тым, сиэн уутун баҕас «парооста» иһэ түстэ ини диэн бэйэтиттэн
бэйэтэ астынна, иҥиэтиннэ».
Миигиттэн истиһэн, күһүҥҥү куска олоруохпут диэн айгыс-
тан дьонум Күрүүҥкэ сиэнин төрдүттэн арыый үөһэ, тыал охсор,
үөнэ-көйүүрэ суох уҥуохтаах отон уга тэллэхтээх, сис саҕатыгар ба-
лаакка тардынныбыт. Сиэн төрдүттэн үөскэ диэри дьара уулаах. Ол
иһин кус таптаан түһэр этэ. Улахан былаанынан оҥоһуллубут аан-
наах быһыт сайын ортото уута түһэн сыһыыга тахсыбыта. Сүрдээх
үчүгэй оҥоһуулаах муоста пааматынньык курдук хонууга хорой-
бута. Кустар тумуһахтан таала намтыыр өттүн көрдө көрбүтүнэн
көтөн ааһаллара чуолкай диэн, сытан эрэ балаакка ааныттан ытар
гына, бэйэ-бэйэбитин мэһэйдэспэт гына үс аҥы балаакка тар-
дынныбыт. Киһим киэнин курдук икки киһилээх хотуобай ба-
лаакканы тардынным. Куолча үс балаһалаах тигии балаакканы
тардынна. Онон соҕотохто улахан түһүлүк дьэргэс гынна. Итии
дьиэттэн арахсар санаата суох дьон хас да хонон кэллэхпитинэ,
Куолча балаакката ойоҕоһунан хайа тардыллыбыта ыраахтан дал-
баатыы көрүстэ. Пароста балааккатын айаҕын түгэҕэр баппаҕай
суола бэчээт курдук олоро сытар. Соторутааҕыта кэлэн барбыта
биллэр, суола сииктээх. Бүтэй балаакканы алдьаппатаҕа дьикти.
Мин балааккабар чугаһаабатах да быһыылаах. Куолча син алдьан-
на. Мааттыыр аҕай. Бултаһар киһи диэн тыытыһар диир. Сиэммит
94