Page 289 - Былыр этэ диэххэ

Дьоруодай сытан эрэн уҥа илиитинэн мамыһыай ырбаахытын
сиэҕинэн хааһын туора соттон, хааны көрөн хап-сабар ойон тур-
да. Хотторбут атыыр илгистэ-илгисэ дьалты куотарыныы, тэлиэс-
былаас үктэнэн хараал таһыгар турар бураныгар баадыйалаата.
Халлаан өссө да сойо илик, кэбэҕэс бэйэлээхтик собуоттаммыт
бураныгар олордо да Дьооску диэки тэптэрэ турда. Кэнниттэн
Дьөгүөссэ сыарҕалаах атынан олоруста. Пана: «Дьэ, сатамматы-
быт, киһиҥ өссө быһахтаммыта ээ... Ити хараҕын хайаата?» —
диэбитин, бэйэм да соһуйан турар киһи билбэтим диэтим. Үгүс
туоһулаһыыта суох, сып-сап атын ыҥыырданан Панам дьонун
эккирэттэ. Мин чороҥ соҕотох, хараал иччитэ, туран хааллым.
Ити хараҕын туохха өлөрө оҕуста? Улахан моһуокка ыллаттар-
дым. Сүгүн да утуйбатым. Охтубут сириттэн бэйэм хаста да оло-
ро түһэн быһылаан хайдах тахсыбытын сэрэйдим. Оннугар эрэ
тахсар. Пана бу сырыытынан көмөлөһөн бүтүөхтээх. Сарсыар-
да сылгыларбын соҕотоҕун аһаттым. Бүтүүбэр, күн үөһэ ойуута,
киһим төбөтүн сотторунан эринэн, сэлиэччиктэнэн буранынан
сырылатан кэллэ. Саҥа-иҥэ суох. Балааккаҕа киирэн чэй кутан
биэрбиппин испэтэ. Хайаатыбыт диэн ыйыппытыгар, бэйэм сэ-
рэйиибин кэпсээтим, киһим саҥарбата, итэҕэйбитэ эрэ суох.
Охтон түһээт миигин көрдө көрбүтүнэн олоро түһээри гым-
мытыгар, түөртээх хаптаһынынан оҥоһуллубут остуол кырыыта
хааска таһыйдаҕа. Онтон уордайан иккиһин күүскэ олоро түһээ-
ри оннооҕор күүстээх охсууну ылар. Бу тухары киһиттэн охсул-
лубакка бэйэтэ аҥаардастыы бүү дии сылдьыбыт киһи миигин
охсор диэн хаана оргуйан, атыннык аахсардыы аттаабытынан
таһырдьа ойор. Өлүү түбэлтэлээх, хараҕа сүгэҕэ хатаныытыгар
мин тахсаммын хабырыйсыы тахсар...
Дьооскуга тиийэн Бүөккэ кырбаата, хайдах иэстэһэбин дии
сылдьара үһү. Онон мин кэпсээммин итэҕэйбэтэҕэ чахчы. Баар
дьонтон чугас олорбут Дьөгүөссэ, бэйэтэ холуочуйбут киһи, тугу
өйдөөн көрүөй, арай таһырдьа тахсан оҕустаҕа диэн саҥа аллай-
быт. Өйдөөх киһибит Пана, улаҕа буруһууна ороҥҥо дьөлө түһэн
олорон, үрдүк остуол сирэйэ мэһэйдээн Дьоо хараҕын остуол
кырыытыгар кырбыырын көрбөтөҕө чахчы. Онон эмиэ миигин
таһырдьа тахсан дьаһайбыкка уорбалаатаҕа. Ити курдук мин
араастаан итирэ-итирэ сордуур Дьолуоданы «тулуйбакка» кэһэ-
тэн турабын. Ол түмүгэр сайыныгар сылгыттан уһуллабын.
111