Page 30 - Былыр этэ диэххэ

Куоракка үөрэнэ сылдьан Кэрээкин Миисэ барахсан кэһии
гынан аҕалбыт илимнэрэ этэ. Өндүрэй Өлөксөй ууһутун билэр.
Онон кэпсэммит кэпсээн кырдьыктааҕын итэҕэйэр. Дьэ бу курдук
икки тэҥ иһиттээх кыттыгастар күн ахсын арааһы бары, хат-хат
кэпсэттэллэр да кэпсээннэрэ барамматаҕа. Ыаспайдаһарга биир-
дии ууламмыты сыппайан Байанайдарын балай эмэ аһаппытта-
ра. Улахан күннээ мууһа баранан, муустаах ууну көрдөөн көппүт
ээмиллэлэр табан санаалара табыллыбыта. Өндүрэй өссө да табыл-
лыаҕын быстах суол туорайдаабыта. Халлаан лаппа көнөн, кус сы-
рыыта мөлтөөн, балааккаҕа тахсыбакка сарсыардааҥҥы көтүүнү
аһара нуктуу олорбута. Биэрэги кыйа биир андаатар ону-маны
харбаан көрө-көрө, манчыыктарга кэлэн дьаакыр быатыгар иилис-
тэ сыһан умсан хаалла. Дьэһээккэ иннинэн тахсан кэлэн тугу эрэ
хачыгыраппытыгар, нуктуу олорор киһи уутун быыһыгар булдун
тутан көрөөрү андаатараны көхсүттэн харбаабытыгар, анарааҥҥы-
та чыыбыс тардар тарбаҕын быһа ыстаабыт. Сааскы баас оһон
биэрбэккэ сүүлэ иһэн, сааны туттарбат оҥорон эрэйдээбитэ.
Дьиэлиир саҕана сиэбиттэрин-аһаабыттарын ордугун сүүр-
бэччэлии куһу үллэстибиттэр. Өндүрэй Дьэбдьэтэ дьон бэрсэн
отучча кустаах сааһытын көрсүбүт. Өлөксөй Дьэбдьэтэ түөрт уон-
ча куһу булуустаан олороро үһү. Онон мин дьонум дьон бэрси-
битинээн орто сааһыт ахсыгар киирсэр гына сылын ахсын бул-
тууллар. Онон кыраны эбэн-сабан да кэпсээтэххэ ортоҕо киирсэр
сааһыт дьоннор. Биир дьыл 16-лаах сааҕа ботуруон кэлбэккэ, Өн-
дүрэй куска киирбэтэҕэ. Дьоҥҥо тутуу маһын суорбут наймыты-
гар сайын ортотугар диэри сиир кустарын булуммуттара. Маһы
олус үчүгэйдик суорар. Өндөрөй сүгэтэ сүгэ да сүгэ. Маска бэ-
йэтэ барар үһү. Кини салайан эрэ биэрэр.
Оттон Өлөксөй сиэнэ уолу, балта көрдөһөн, икки дьылга куска
илдьэ сылдьыбыта. Оҕоттон иҥниэ дуо. Хата дьэһээккэҕэ харабыл
киһилээх көҥүл Байанайын алҕанан көрүлээбитэ. Байанайа алыс
аһаан булкуллубатаҕына орто кэрдиис син биир төлөһөр. Уола Ки-
риискэлээххэ баран сааранар, кини да чуҥкуйбат. Кэлин оҕонньор
өбүгэлэригэр барбытын кэннэ сааһын ким да олорботоҕо. Хата
сылгы базата оҥороннор убаһа өлөрүүтүгэр киһи бөҕө сырыырҕаа-
быта аҕай. Оҕонньоттор барахсаттар кэпсээннэриттэн чыҥха атын
кэпсээннэри истибит тыа баһа дьэ онтон туох этэй дииргэ дылы
куоҕалдьыһа сипсийэллэрин сурукка тиһиэх ким баарый..
28