Page 33 - Былыр этэ диэххэ

өлүөр диэри сылдьар умнууга хаалбыт «улуу» суобастаах, аныгы
дьон ылбычча өйдөөбөт киһилэрэ...
Моруоска үгэнин саҕана, бары барыта ситэн, тот эһэ киһиэ-
хэ, кыылга куттала суох кэмэ. Мин киһим кыйылгы майгыта
тардан, дьон тиэстибэт чиэски сиригэр моруоскалыы сырыт-
таҕына, хайа үөдэҥҥэ саһан сыппытай, тыатааҕы саба түспүт.
Төҥкөҥнүү сылдьар киһини кыраҕа-кыаммакка холоон, сирит-
тэн көҥөнөн сэнээн түстэҕэ. Биһиги киһибит айаҕын аппытынан
саба түһэн эрэр эһэттэн улаханнык уолуйбута биллибэт, балта-
раа киилэлээх, лаппычах, лаахтаах тимир куруускатынан айахха
аспыт. Бэлэһин төрдүгэр диэри батары астаран хампы ыстыыр
кыаҕыттан тахсан, харан дуу, тыына хаайтарбыт. Киһи киһитэ
өтөн, хадьырыйтарбат гына икки сыҥааҕыттан ылан ыыра тарда
сылдьыбыт. Эбиитигэр дэгиэ тыҥырахха киирэн биэримээри ыга
сыстыбыт. Ол курдук охторсубакка төһө уһуннук сылдьыбытта-
ра биллибэт. Арааһа, тыатааҕы сыҥааҕа ыллан, көһүйэн сэниэтэ
эстибитин кэннэ илиитин ыһыктан кэбиспитэ, өстөөҕө сыҥааҕа
былас түспүтүнэн, көппөх уутун ыһылыннарбытынан атахха бил-
лэрбит. Курууска мэлийдэҕэ ол. Барыга бары уолуйбат кытаанах
санаатынан тыатааҕыны кыайдаҕа ол.
Эдэр эрдэҕиттэн уус, мындыр өйүнэн киһини сөхтөрбүтэ үгүс.
Бастакынан бөһүөлэгэр матасыыкыл мотуорунан үлэлиир везде­
ход оҥостон киһи үөйбэтэх-ахтыбатах сиригэр тиийэн дьону соһу-
талыыра үһү. Кыра кыамталаах уу мотуорунан дьэкилиири үөдүп-
пүт кини. Дьиэтин таһыгар, иччитэхсийбит сарайдарга хаалана
сатаан баппатах араас тимир чаппата биэрэк устун быраҕыллыбыт
сарайдарга симиллэн туралларын олохтоох дьон ким хааламмытын
эндэппэккэ сэрэйэллэр, тыытыспаттар. Кырдьыга, билигин, бары
барыта баар үйэтигэр, кини «баайыгар» ким кыһаныай.
Сөмөлүөт пуорда бөһүөлэктэн тэйиэс. Баай тэрилтэ хаһан эрэ
бырахпыт УАЗиктарын раздадкатын балансыырын таныктаах
диэн көрбүт. Мэхээнньиги дьаныһан көрдөөн булан көҥүллэп-
пит. Бөххө быраҕыллыахтааҕа умнууга хаалан сытарын өйдөөтөр
да тойон киһи: «Түргэнник хамынаар», — диэн дьаһайбыт. Саа-
май наадалаах булумньутунан ааҕынан, кэлин муоһу бүттүү
дьиэтин сарайыгар күрэппит. Икки атахтаах көрбөт гына, үс
биэрэстэлээх сири, арааһа, тыанан сүгэн аҕалла ини диэн акаары
дьаһаныыттан саллан кэпсээччилэр.
31