Page 51 - Былыр этэ диэххэ

ыйдаҥа тахсан абыраата. Сотору былыттаныах чинчилээх, итир
былыттарга киирэ-киирэ тахсан эрэйдээтэ. Инньэ гынан тайаҕым
суолун сүтэрэрим элбээтэ. Өйүөм баранна. Тоҥнуу кирэргэ үчү-
гэйкээн аһы билбэккэ, сүгэрбин ыарырҕаппыт киһи аны ыһыга
суох биир бачча сири төннөрбөр тиийдэҕим. Биир аһаҕас сир-
гэ киирдибит. Оол курдук барыгылдьыйан эрдэҕинэ ытан хаал-
лым. Аҕыйах хаамыыны батыһыах курдук гынан иһэн кэнники
ытыыбын эрэммэтим. Сэниэм алыс барана илигинэ ыйдаҥаны
өрүсүһэ үрэҕи була охсуохха диэн уҥа өттүбүн тутуһан төннөрдүү
тосхоллоннум. Соччо мунааҕа суох үрэхпин буллум. Үрэхпин бу­
лан муммат буолбуппуттан эрэх-турах сананан баран ис, баран
ис. Бараммат өлүк хаарынан турар элбэх тоҕойдор бииртэн биир
утары тоһуйдулар. Тыа иһэ буолбатах, ыйдаҥаҕа наадыйбаппын.
Үрэҕим эйгэтиттэн ханна тахсан барыамый. Илистэн балааккам
дьэ кэлээрэй диэтэҕим ахсын атынтан атын тоҕой кэлэн истэ.
Сылайбыппын билинэн, утаппытым баһыйан, төрүт буорайарым
кэлиитэ биһиги харгыбытыттан аллараа уһун кытылга тайах-
ха түбэһиэм диэн кэлэ сылдьыбыт хайыһарым суолугар кэтил-
лэ түстүм. Чахчы мин бэйэм суолум. Күүспэр күүс киирбити-
нии, хайыһарым суолун устун быдан сэниэлээхтик тэппэхтээн
быһыппыт чардаатыгар кэллим. Чардааты тэһэ охсон умса түһэ
сытан уулаатым. Тымныыта төбөбөр тахсан начаас тохтотто.
Биэрэстэ курдук уҥуор турар балааккабытыгар кэллим. Уотта-
ра суох, оһох турбата сылаастыҥы. Тоҥон-хатан итии балаакка
аанын арыйартан ордук ол кэмҥэ дьол суохха дылыта. Бэлэм
аһы сылытан, биир иһит арыгыбытын иһэн, күө-дьаа кэпсэтэн,
оҕонньор этэринэн, тоҕус көһү баран кэлбит буолуохпун сөп үһү.
Дьэ, доҕор, былыргы тайахсыттар курдук сырыылаах сүрдээх да­
лан киһи эбиккин диэн сөҕөн турар. Кэлин ырыҥалыы санаа-
тахпына, кырдьаҕас бастакыттан ханна тиийиэхтээхпин билбит
курдук Чуонна диэн дьүһүннээн ыйан ыыппытын, аанньа ахты-
батахпын. Онтон атын хас да тоҕойу быһалыы түһүллүөхтээҕэ
хаалбыт. Өссө саамай дьиктитэ — ойуун бэйэтэ баайбыт тайаҕын
бэйэтэ сиэбэт диэбитэ уонна мин бэрт былдьаһар курдук дьаабы-
ламмыппын соруйан дьээбэлээн барыылааҕынан ситистэҕэ. Аас-
пытын кэннэ өйдөөтөххө, оннугар тахсар. Бүтэһик ытыыбыттан
таптарбыт тайах ырааппакка онно охтубут. Ол тайаҕы Нойукуоп
Дьөгүөрдээх дьиэлэрин таһыттан чугас, мин сырыыбыттан тута
49