Page 52 - Былыр этэ диэххэ

кэриэтэ булбуттар. Онон икки ойуун баайбыт тайахпытын бэйэ-
бит туһаммат гына ойуумсуйан турабыт.
Биир саас ыһыах тэрийдим. Дойду сирин ыһыахтарын кур-
дук илии-атах оонньуутугар араас бириистэри туруордум. Ким
да кыттыа суоҕуттан бэйэбинэн кыттан уолаттары кучуйдум да,
сыалдьалаах дьон курдук эбиттэр. Кэлин бэйэм кычыгыланан,
эрдийэн бары бирииһи үксүн хамыйдым. Сатахха көрөөччүлэ-
рим тэптэрэн биэрэллэр. Биригэдьиирбит кыанар киһи эбит дэ-
тэн тутум үрдээн сырыттахпына, Тарбаммат Ньукулайым кэлэн
ньаамырҕаата: «Ньокоо, кыайыыгын шууйуохха эрэ», — диэн
арахсар аата суох. Мух-мах баран турдахпына, хата оҕонньорум
тобула оҕустаҕа түргэнэ: «Ити дьыссаат сэбиэдиссэйэ Морууша
кыыш төһө үчүгэй кыыш дии шаныыгын? Дуруушкалыы таарыйа
киниэхэ барбаппыт дуо?» «Кэбис, испэт кыыска хантан арыгы
кэлиэй», — диэтим. «Чэ, баар, баар... Билэн этэр буоллаҕым», —
дии-дии, ыһыах бүтэн дьиэлээри турар кыыска тиийэн ньаамыр-
ҕаата. «Тоойуом, ити оронуҥ баһыгар, улаҕа биһиэхэ ууран ту-
рар аһыҥ быһыылаах. Хата бу уол бүгүҥҥү кыайыытын шууйа
эйиэхэ барабыт дуо?» — диэн тылланна. Кыыспыт эппэт кэлэҕэй,
кытаран таҕыста. «Суох, хантан эһиэхэ ууруохпунуй. Туохха эмэ
наада буолуо диэн ууруммутум», — диэхтээтэ. Мантан ордук туох
улахан наада баар үһүө. Ол аата барар буоллахпыт диэн арахпата.
Күүспүтүнэн кыыспытын батыстыбыт. Дьиэтигэр киирэн дьиэ-
лээх киһи сиэринэн олоппос аҕалан биэрээт, сыгынньахтанан
остуол тарпытынан барда. «Чэ, доҕор, элбэх аш наадата шуох.
Кымыш курдук ашка хата улахан шоҕус шэлиэнэйдэ аҕал. Хайа
бу тоҕо иккини эрэ аҕаллыҥ. Бу да буолларбын охшуһуннарбакка
эрэ ишпэт киһибин», — диэн култуурумсуйда. Кырдьык, орон
улаҕатыттан тахсыбыт сөрүүн шампааны арыйыы мин ирээппэр
тигистэ. Кыыспыт кыракый үрүүмкэ аҕалынна. Кыайыылаах
киһи мин хаста иһиспэтэх оҕонньорбун кытта биирдии сэлиэ-
нэйи түһэрэн кэбистибит. Хайа икки ардыгар оҕонньорбут тыла
булдьуйа оҕуста. Мааҕы сыбааттыахтаах киһи араадьыйата атын
ханаалы хапта. Онон иһиппитин эрэ бүтэрэр түбүккэ түһэн, ду-
руускаһыппын арыый да күрэтэн илдьэ бардым. Кэлин Моруу-
салыын холбоһон олорон ааспыты ырытыстахха, дьон ханна хас
бытыылкалаахтарын ыйан туран көрдүүрүн истэр, билэр эбит.
Ол иһин таба таайтаран, абааһы оҕонньоро аны киһини быһа
50