Page 48 - Былыр этэ диэххэ

дьүһүлэммиттэрин ааҕааччы аттаран көр. Дьиҥэр Кыһыл Ойууну
толоруохха баар этэ да, ол саҕана ойуун кутуруутун үөрэппит суо-
ҕа. Кыһыл ойууну Лазар Сергучев уот иннигэр үрүҥүнэн көрөн
туран кутурарыгар холуйдахха, атахтаһа сытар ойуунум хайдах эрэ
киһи мыына көрөр киһитэ. Саатар тоҥ балаакканы кырбаабат.
«Улахан ойууттар» хас олбоххо ойуумсуйбуппут, бэйэбит дойду-
бутугар эргиллэммит, амабытыгар түһэммит атахтаһа сытааччы-
лар намыраан — тохтооммут утуйдубут.
Балааккабыт сөрүүдүйэн да, эрдэ туран, аһаан-сиэн, бөлүүҥ-
ҥүнү эрэ ахтыспакка быһыппытын быһа барардыы оҥоһуннубут.
Мин Начаалаттан уларсан, саҥа уктатан аҕалбыт анньыыбынан
киһиргээри тиийбитим, уга ортотунан тостон сытар. «Оок-сиэ,
бу да дьоннор, анньыыны бу курдук дьалаҕайдык быраҕар баҕайы
дуо?» — диэн оҕонньорбут сэмэлээтэ. Аны туран аппыт нуорма-
лаан уурбут оппутуттан көҕүрэппэтэх. Акаары уолаттар анньыы-
ны аҕалан акка тосту үктэппиттэр дии санаабыт. Эбиитигэр аты
илистэр гына айаннатаммыт аһаппатах аатырдыбыт. Хайдах-хай-
даҕый, чахчы анньыыны аҕалаат да тэйиэс, чигдигэ туруору ас-
пыт өйдөөхпүн диэн бэйэм да булкуллан турар киһи тугу өрө
саҥарыахпыный. Икки эрэ анньыылаах айаммыт суолунан, саас-
кы айан куоҕаһа аргыстаспытын курдук субуһан быһыппыт си-
ригэр бардыбыт. Олуктан түөрэ-таары түһэ баран иһэн ойоҕос-
тон бэҕэһээҥҥи дьаар туһунан тахсыбыт тайах төннөн киирбит
суолугар бастаан иһэр киһи, мин, кэтиллэ түстүм. Ат ыллыгар
киирэн суолбутун кини тоҕо үктээн алдьаппыт эбит. Төттөрү
суоллаан сыарҕабытыгар диэри кэллибит.
Сиһилии суоллаатахпытына: чигдиттэн туора тахсан иһэн,
тыаһырҕаан, чигдигэ анньыллан турар анньыыны түҥнэри көп-
пүт, тосту үктээбит. Буолар да эбит, хаамар сир бараннаҕа. Аттан
мэһэйдэтэн бирээмэ сэргэҕэ кэлэн туруохтаах булт туора ойбут.
Тайахтан үргэн аппыт муҥ кыраайынан ыстанан иһэн өттөнөн
турар быатыттан тиэрэ таттаран хоолдьугунан баран түспүт суола
кыраһаҕа ырылыйа сытар. Хата хоолдьугун тосту түһэн өлбөтөх.
Онтон тэһииркээн аһаабатах эбит. Үргүбүт тайах аҕыйахта сэк-
сэйээт, хаамыынан кытыл талаҕын кырыылыы арҕаа бара турбут.
Маны көрөн оҕонньорбут: «Дьэ, тайах диигин, тайаҕыҥ бэйэҕин
эккирэтэ сылдьар эбит, айылааҕын анньыыҥ суох, бу тайаххын
бултаһан көр», — диэтэ. Мин эгэ эрэ сөбүлэнним.
46