Page 77 - Былыр этэ диэххэ

Хоту сиргэ сулууспа

иһи сааһырдаҕын ахсын олорбут олоҕун аттара са-
наан сыаналанар кэмэ үксүүр эбит. Кими эрэ кытта
ис сүрэхтэн ирэ-хоро ырытыһа кэпсэтиэххин баҕара-
рыҥ күүһүрэр. Сатахха, ыһа-тоҕо кэпсэтиһэр, эн-мин дэһиспит
дьонум күннэр-дьыллар аастахтарын ахсын аҕыйаан иһэллэр.
Саҥа доҕоттору булунар ыараан, бэйэҥ бэйэҕэ бүгүү күүһүрэр.
Билиҥҥи үйэҕэ ахтыыларын, кэпсээннэрин сурукка тиһэр дьону
ордугургуурум күүһүрэр. Дьарыгыран хаһыакка, сурунаалларга
кинигэ оҥорон таһааралларын кэрэхсээн ааҕабын. Уустаан-уран-
наан суруйаргын киһи эрэ ымсыырар.Хата боруобаланан көрүөм
диэбиккиттэн эрдийэн бастаан олоххо үктэнэрбэр суолу арый-
быт, идэ биэрбит аармыйаҕа сулууспам туһунан кэпсиим.
Осуоланы бүтэрэрбитигэр уолаттар үксүбүт үчүгэй чааска
түбэһэн, туох эмэ идэҕэ үөрэнэн тахсарбыт буоллар диэн баҕа-
рарбыт. Воркутаҕа арадьыыстар үөрэхтэригэр алта ый үөрэннибит.
Идэ ылбыт киһи омук да сиригэр бардарбын диэн баҕа күүһүрбүтэ.
Хайа баар. Сахам сириттэн арахсыбакка диэбит курдук, Хатангаҕа
сулууспалата илтилэр. Хоту муора кырыыта, дьэ дьиҥнээх туунда-
раҕа тиийэн хааллым. Байыаннай старатиэгийэлээх туочука диэн
саҥа тэриллэн эрэр састаапка түбэстим. Маһа-ото суох сиргэ таас
кирпиичэнэн тутуллубут хаһаарымалаах остолобуойдаах, аҕыйах
ыскылааттаах. Саллааттар да аҕыйахпыт, биир кыра взвод. Бары
биир ыҥырыыларбыт, онон дедовщина диэни хата билбэтибит.
Икки эпписиэрдээхпит. Сэнээннэр, иккиэйэхтэр эрэ диэн бас-
баттах бараары гыммыттарын начаас сүнньүлэрин көннөрдүлэр.
Састааппыт начаалынньыга хапытаан Яковенко диэн хохол киһитэ.
Байыаннай форма олус барсар, бэйэтэ да уһун уҥуохтаах, кыыс
кэрэ дииллэрэ дуу, киһи. Солбуйааччыта политчааска Крылов
диэн арыый саастаах, эт тутан эрэр нуучча киһитэ. Бастаан үөрэххэ
үөрэммиппитинэн сарсыардаттан подъем, киэһэ бириэмэтигэр от­
бой лоп курдук толоттороллор этэ. Остолобуойга эпписиэрдэрбит
биһигини кытта бииргэ аһаспыттарыттан соһуйбутум. Наһаа үчү-
гэйдик аһаталлар. Тас дьиэҕэ эпписиэрскэй хостоохтор. Буобардар,
атын үлэһиттэр бары онно бааллар. Пуорт диэки улахан баанньык-
ка массыынанан баран суунабыт. Түөрт тиэхиникэлээхпит, биир-
дэрэ бортобуой ГАЗ-66 массыына, куруук сүүрэр. Син атын чаас
75