Page 78 - Былыр этэ диэххэ

курдук күнүскү пуоска туруу, нэрээт диэн солбуһа турабыт. Бастаан
киэптиэх буолбут уолаттарбыт кэлин тугу да сатаабат көлбүөрэлэр
эбиттэрэ биллэн, бэйэлэрэ да уоскуйан, хайдыһыы сыыйа сүппүтэ.
Мээнэ түүнүн уһугуннаран түрүбүөгэ оҥоһуллубат олус үчүгэй
сиргэ, эпписиэрдэргэ түбэспиппитин сотору бары өйдөөбүппүт.
Бэрээдэктээх буолууну ылыммыппыт. Кэлин биллэхпитинэ, эппи-
сиэрдэрбит иккиэн дьиҥнээх сэриигэ сылдьыбыт, саллаат-эппи-
сиэр доҕордоһуутун эттэринэн-хааннарынан билбит үтүөкэннээх
дьон эбиттэр этэ. Кинилэр биһиги бэйэ-бэйэҕэ киһилии сыһыан-
наһарбытын ирдээннэр наһаа үчүгэйдик сулууспалаабыппытын күн
бүгүҥҥээҥҥэ диэри үчүгэйдик өйдүү сылдьабын. Крылов омук си-
ригэр кытта сылдьыбыт, хас да тылынан саҥарар киэҥ билиилээх
эпписиэр туохха эрэ түбэһэн хоту сиргэ утаарыллыбыт. Олохтоох
дьону, табаһыттары кытта тута уопсай тылы була охсубута түргэнэ.
Онон хата биһиги этимсэх дьон араас этинэн бары тэҥ хочуолга
олорон аһыырбытын бастакы уочарат ахтабын.
Хатанга диэн байыаннай пуорт оҥоһуллубута ырааппыт. Сылын
ахсын кэҥээн, тупсан иһэр пуорт үһү. Байыаннай истирэбиитэллэр
куруук түһэн ааһаллар. Синньэ Чукуоткаҕа, Эмиэрикэҕэ да тии-
йэ көтөллөр дииллэр. Уонна оттон саамай тиһигин быспат улахан
таһаҕас да, киһилээх да сөмөлүөттэр тиэстэр, кырдьык, наадалаах
туочука эбит. Боруобаҕа саамай улахан сөмөлүөттэр Антиэй, Рус-
лаан түһэ сылдьыбыттар. Москуба, Ленинград араспысаанньатынан
анал тоҥорор хаамыралаах сөмөлүөттэр хоту сир эмис табатын,
балыгын тиһигин быспакка таһаллар дииллэр. Манна кэлэн эмис
таба этин, муора балыгын арааһын бастаан амсайбытым. Наар он-
нук аһыыбыт. Маҕаһыыҥҥа киирдэххэ кэнсиэрбэ, оҕуруот аһын
арааһа анньыллан турар. Арааһа, хоту дьоннор оҕуруот аһын аһыы
үөрэҕэ суохтара оннук дэлэй инилэр. Дойду сирин, куорат уолатта-
ра биирдэ эмэ атыылаһан амсайааччылар. Остолобуойбутугар араас
дэсиэрт диэн аһаталларынан биһиги сөп буолабыт. Төрөөбүт күнү
бэлиэтиибит. Туорт, бискибиит хайаан да остуолга ууруллар.
Күһүн, бастакы тымныылар түһэн эрдэхтэринэ, илиибэр мас
киирбитэ сүһүрэн тугу да туттарбат оҥорон санчааска көрдөрдүм.
Биэлсэр нэрээккэ сылдьарбын бопто. Буочарым үчүгэйиттэн кэ-
миндээн диэн дуоһунастанан, бары дьыаланы-куолуну толорор
үлэҕэ тигистим. Ас-үөл, таҥас-сап, бары инбэртээр, бүппэт үлэтин
барытын оҥоттордулар. Өрө баран киирбит тэриллэр картатыака-
ларын оҥоробун. Дьэ, доҕоор, ылсыһан үлэлээтэххэ бүппэт элбэх
76