Page 80 - Былыр этэ диэххэ

тамаат ылбыттар. Элбэх кыылы биирдэ сылбах курдук охторуох-
пут диэн баҕалаах үһү. Булду биир-биир ытыахха наада диэн би-
ригэдьиир эппитин ылымматах. Эһиги былааҥҥытын толорор
иһин кыһанабын диэбит. Олохтоохтор биир да киһи саата суох,
саллааттары эрэнэн быһахтаах эрэ барбыттар. Сирдээччи Попи-
гай үрэх төрдүгэр Анаабыр хаптал хайатын хапчаанын батан кэ-
лэр кыыл суолун үрэҕи туоруур сиригэр тиэрдибит.
Танкыаккаларын арыый антах туруоран, пүлүмүөттээх киһи икки
өттүгэр аптамаатчыктар турар гына былааннаабыттар. Эрдэ кыыл
иһэрин биллэрэргэ дьоннор инники баран сыталлар үһү. Уһуннук
кэтэһиннэрбэтэхтэр, иһэллэр диэн сигнал ракетница ыппыт. Дьэ,
доҕоор, ииримтийбит духтар курдук халыҥ үөрдээх кыылаттар үрэҕи
тоҕо кэһэн субу кэлбиттэр. Пүлүмүөт, аптамаат уотунан тибиирдэ
турдахтарына, толлубакка утары сырсан кэлбиттэр. Биһиги дьоммут
кутталларыттан сорохтор танкыаккаҕа куоппуттар. Икки саха уола
хаалан «дьоруойдуу сэриилэспиттэр». Тулуйбакка олохтоох уолаттар
куоппут шуравилартан автоматтарын ылан ытыалаабыттар. Инньэ
гынан кыыл таба үксэ төттөрү ойбуттар. Пүлүмүөттээх нуучча уола,
дьиҥэр хантан нуучча буолуой, ийэлээх аҕата Аҕа дойду сэриитэ
саҕаланыан эрэ иннинэ Абакааҥҥа көһөрүүгэ кэлбит Украина ньиэ-
мэстэрэ эбиттэр. Уһун куйаабылык курдук кыахтаах көрүҥнээх уолу
хамандыыр пүлүмүөккэ туруорбут. Ытыалаан тибиирдэ турдаҕына,
өлөрдүү бааһырбыт духтартан атамааннара хаана ыһыллыбытынан
субу кэлбит. Биһиги киһибит кутталыттан уҥан түспүт. Хамандыыр
саллаатын өрүһүйэ бэстилиэтинэн дуҕу тыын салҕаабыта пулемеччы-
гын үрдүгэр сууллубут. Хамандыыр салгыы обуоймата бүтүөр диэ­
ри сол турар сиригэр өстөөхтөрүн сылбахтаабыт. Үүт-үкчү илиинэн
киирсии хонуутун курдук өлүгүнэн тэлгэммит. Духтар атаакалара
самныбытын кэннэ биһиги дьоммут сүтүктэрин аахтыбыттар. Хата
үс дэсэртиир тута тыыннаахтарын биллэрэ танкыаккаттан бу тах-
сан кэлбиттэр. Хабыр хапсыһыыга сүтүктэнэн сүөм түһэн турдах-
тарына, сүлэр, астыыр уолаттар кыыл өлүгүн быыһыттан хаан-би­
лик бүлүмүөччүгү орообуттар. Сэрэнэн-сэрбэнэн бааһын-үүтүн
көрдөөһүҥҥэ бары хааҥҥа биһиллибиттэр. Толоос элбэхтик таптар-
быт булт оннооҕор табаны сүлэ үөрэхтээх дьону дьулаппыт. Биһиэ-
хэ арыый үчүгэйдик астаммыт табалартан талан икки танкыакканы
аҕалбыттарын анаан систиэринэҕэ ууну тоҥорон оҥотторбут булуус-
путугар мин дьаһайан уктардым. Киэһэтигэр баай тыллаах уолаттар
күүркэтэ-күүркэтэ кэпсээбит кэпсээннэрэ итинник.
78