Page 82 - Былыр этэ диэххэ

бутум, өс киирбэх ыстанна. Тиийэн харбаан ылаат, хаһыы-ыһыы
бөҕөтүн түһэрдэ. Үрүҥ түү курдук сытарын харбаабыта, хааннаа-
ҕыттан сиргэнэн ыһыытаабыт. Киһим туох буолла диэн сүүрэн
тиийэн, эмиэ хааны харбаатым. Бойобуой буулдьа хабдьыттан туох
да хаалбат гына хампы ытан кэбиспит. Киһим суолу биир гына
массыынатын тирээпкэтинэн илиитин соттортон солотуйбата. Он-
нук сиргэмсэх эбит. Сарсыныгар да массыынатын бүттүү соттору-
нан сотор, сылайбат даҕаны. Табаһыттартан туоһапка уларсаммын
эт тиэйэ бардахпытына хабдьылыыбын. Олохтоохтор да, табаһыт-
тар да кыһыныгар хабдьылаабаттар быһыылаах, тэһииркээбэттэр.
Биһиги дичь диэн буобардарга биэрдэхпитинэ, син үчүгэйдик
астыыллар. Ордуга баһыылкаланан барар.
Үйэбэр онтон элбэх кыыл табаны да, хабдьыны көрбөтөх, бултаа-
батах киһи байым Байанайдаах кэммин өйдүү-саныы сылдьабын.
Хаарыан үчүгэй майгылаах хамандыырым, хохол Яковенко, нуучча
политуруугум Крылову өрүү иһирэх тылынан суруйуохпун саныы-
рым туолла. Политзанятиеҕа кэпсиирин билигин да умнубаппын.
Афган сэриитэ диэн наар мина сэриитэ диирэ. Билигин ити Украи-
наҕа эмиэ миинэ дииллэриттэн саныыбын. ОЗМ-72 үлтү тэбэр,
МЗС, Италия миинэлэргэ таптарбыт киһиэхэ эккэр быласымаас
саба түһэн тымырыҥ устун барар үһү. Духтар оннооҕор биһиги сир-
битигэр сыыллан киирэн ууну кытта дьааттыыллара диир. Ол иһин
бэйэлэрин эрэ бодобуоскаларынан уу таһаллара, ууну хаһаанар анал
сабыылаах эрэһиинэ иһиккэ туталлар, харабыллыыллар үһү. Кры­
лов хамандыырбыт туһунан истибэтигэр кэпсээн аһарбытынан,
биир кыргыһыыга соҕотох хаалбыт дуҕу билиэн ылан доппуруостаа-
быттар. Хас да саллаатын өлөттөрбүт эпписиэр кыһыйан бааһырбыт
дуҕу ытан өлөрбүтүн иһин сууттанан хоту ыыппыттар. Киитэлигэр
баар икки эрээт колоккалартан бастакыларын, кэпсээнньиппит,
Кыһыл Сулус уордьаннара диэбитэ. Кырдьык, биир дьүһүннээх-
тэрин кэлин билбиппит. Билиҥҥи кэмҥэ мээнэ бэриллибэт уор-
дьаннар дииллэр. Киниэхэ да икки аҥаар ирээт колоткалаах этэ.
Быыһыгар ойуулаах, омук киэннэрэ буолуо... Арааһа, Африка диэ-
ки сэриилэспитигэр ыллаҕа. Бэйэлэрэ да кэпсээбэттэриттэн толлон
ыйытааччыбыт суох. Дьэ оннук дьиҥнээх, киһи киһитин курдук ха-
мандыырдарга түбэһэн сулууспалаабыппынан дьоллоохпун. Оттон
Александр Егорович миигин хайҕаабытыттан тэттэн, хаһан көрсөн
аны ханнык кэпсээнинэн күндүлэтэрбин саныыбын.
Ньурба
80