Page 79 - Былыр этэ диэххэ

сурук-бичик эбит. Сэриилэһэргэ эрэ дьоҕурдаах эпписиэрдэрим от-
чуоттарын сатаан толорбокколор телеграбынан куопуйа ыыттараллар
эбит. Онтон үтүгүннэрэн дьыала, дьаһал туолуутун толоро үөрэнним.
Эпписиэрдэрбин отчуоту кэмин уһаппакка ыытан иһэллэрин иһин
бырааһынньыктарга хайҕал, кырааматаны кыайа ыыталлар. Бэйэм да
билбэппинэн Афанасьев диэн ыҥырыллар киһи сотору Саша диэнтэн
атыннык ааттаммат, хапытааным ылгын уола буолбуппун. Дэлэҕэ
сверхсрочнигынан хаал диэн тылыгар киллэрэ сатыа дуо. Кэнэн саха,
аҥаардас дьахтар оҕото дойдубуттан тэлэһийэрбин ыарырҕаабытым.
Ханнык баҕарар үрдүк үөрэҕи сулууспалыы-сулууспалы үөрэниэххин
сөп диэн өйдөтө сатыырын ылымматаҕым. Эдэрим, дьиэттэн-уоттан
тэлэһийэ илик киһиэхэ кыайтарбат суол курдук санаммытым.
Биирдэ чугастааҕы ыстаадаттан биригэдьиирдэрэ солбуйаач-
чы хамандыырбытын кытта кутуруктаһан кэллилэр. Муораттан
кыыл таба тахсан иһэн табаларын аҥаарын илдьэ баран хаалбыт-
тар. Кыыл табаҕа холбоспут таба сотору дьиикэтийэр үһү. Ситэн
эргитэр уустук эбит. Улахан ороскуот тахсан, ороскуоту кыыл
табаны бултаан туттарарга диэн былааннаммыттар. Сэттэ уонус
сылларга оччолорго табаһыттарга саа сэп да аҕыйаҕа, ботуруон
да кэмчитэ. Оттон биһиэхэ, ханныгын да иһин байыаннай чаас
ааттаахпыт, саа сэп да, ботуруон да дэлэй. Кыраапыгынан ытыл-
лан иһиэхтээх көрүллэр ботуруоммутун кыайан ороскуоттаабак-
кабыт, дьааһыгынан ботуруону ууга тимирдэрбит. Арааһа, Яко-
венконы кытта хайдах былааннаах хаһан баралларын былаанныы
кэлбиттэр. Сотору бараары сүлэргэ, астыырга эбии киһи хомунан
кэллилэр. Сахаларбыт диэн ааттанар, мин көрдөхпүнэ, анаабыр
эбэҥкилэрин курдук сырдык хааннаах, долганнарга майгылыыр
бары эдэр уолаттары кытта биригэдьиир кэллилэр. Охоттартан
Яковенко аатыгар кыыл табаҕа бултуурга көҥүл суругу ылан кэл-
биттэр. Биһиги буоллаҕа дии дьиҥнээх сахалар. Эһиги якуттаргыт
диэн иннилэрин биэрбэт сахаларбын кытта чугас билсиим он-
нук саҕаламмыта. Биһигиттэн, саллааттартан, аҥаарбыт нэрээккэ
хайаан да сылдьыахтаахтар. Аҥаарбытын барсарга тэрийдилэр.
Хаһаарымаҕа Крылову кытта үс киһи хааллыбыт. Икки танкыак-
канан бардылар. Мин барсаары гыммыппын, начаалынньыгым
саба саҥарбыта. «Саша, акаарытыйыма, бааскын сэтэрдэҥҥин
илиитэ суох хаалаары гынаҕын дуо?» — диэн аҕалыы буойан, хаа-
ларга күһэллибитим. Дьиҥэ ити уолаттартан барыларыттан мин
ордуктук ытарым. Яковенко туруорсуутунан илии пүлүмүөт, ап-
77