Page 99 - Былыр этэ диэххэ

Аньыыта суох Агаан

ааскы күн уота сылытан хаары быһыта сиир буолан эрэр.
Массыына суолун кырыытын тутан эттээх табаларынан
айаннатан астаран иһэр айанньыты оччолорго элбэх-
тик көрсүөххэ сөбө. Хатыҥ ылах сыарҕатыгар кэлтэччи олорон
хаһылытан айаннатан иһэр айанньыппыт Ньукуйаа Көстөкүүн
диэн. Улууска биллэр киитэрэй диэбит киһилэрэ. Таба чом-
пой бэргэһэтин өрө анньынан, сааскы салгын салаабыт элэмэс
сирэйин ньолоччу туттан, ырааҕы анаара, ымаҥныы иһэр. Кини
киһи уу аһынан баай, киһи-сүөһү олохсуйуон сөптөөх сирэ диэн
Сутуруохаҕа олохсуйбута син ыраатта. Төһө да киитэрэйдэннэр
Дойду сирэ ахтылҕаннаах. Баай бултаах, балыктаах сиртэн ордо-
рон түҥкэтэхсийбитэ, арааһа, саас баттаан эрэр диэххэ дуу. Бу
Сырдык күөлтэн мыраҕатта илимнээҕин көрөн сүргэтэ көтөҕүллэн
иһэр. Арай утары биир аттаах киһи массыына килэҥ суолун устун
наарта сыарҕалаах хаһылытан аҕай күөлгэ киирэн кэллэ. Биһиги
киһибит сааллыбыт көхсүн көннөрө өрө чөрбөс гынаат, табала-
рын боруйан тохтуурдуу сорунна. Аттаах киһибит чугаһаан кэлби-
тигэр, сылгыһыт Агааны билэн ыраахтан ымайбытынан олордо.
Икки өттүттэн күө-дьаа буолан, сааскы хомурахтаах күөл мууһугар
кэпсээннэрэ дуорааннанан, өрө дарбачыта хобдьоордулар. Улахан
күөл кинилэр кэпсэтиилэрин сэргээбэттии итии салгынынан ил-
бийэн, хаарын үрүҥ көмүс мөһүүрэнэн күлүмүрдэттэ.
Агаан холкуоһун салалтатыгар наадыйан Дуруһуунаҕа кии-
рэн баран тахсан эрэр эбит. Бу сылгыһыттар бааллар ээ оҥойор
айахтарыгар да бултаан аһаабат, аттаммыт курдук дьоннор диэн
Көстөкүүн кэпсээн аанньа тахсымаары гыммытыгар киһитин
кыйахаан биэрдэ. «Ээ... Биһигини аһатан-сиэтэн сылдьар мин
бэйэлээхпин диэ. Билигин да дохуоппутун ситэн аахсыбакка эк-
кирэтиһэ сылдьабын, эн курдук көссүүлэрбин күндүлүүр байым
астаныахтааҕар дьиэлээх дьоммун да аһатара суох, кыпчыйтаран,
тылым кытта баҕыарда», — диэн астаах сыарҕаҕа хараҕа хатан-
на. Көстөкүүн көҥөнөн: «Эйигин дьон бары ааттаах албын Агаан
Батаакап Муомалары соролообут дииллэр, ол аһыҥ хайыы-үйэ
барана оҕуста дуо?» — диэн холчурданна. Эбиитигэр, доҕоор, бу
миигин манна ыраас мууска олордор гына албыннаатаргын, баҕар,
97