Page 100 - Былыр этэ диэххэ

тугу эмэ дук гыныам этэ диэн Көстөкүүн көрүдьүөһү оҥордум диэн
астаах соҕустук саҥарбытыттан астынан олорор олоҕор хаадьас
гынна, чуумун таптайда. «Миэхэ туоххун албыннатан аара суолга
үөҕэр буолбуккунуй?» — диэн Агаан өһүргэммиттии иэдэс биэрдэ.
Хата миигин ыстыыр ыас оҥостуохтааҕар атыҥ ыран өлөөрү турар,
онтукайгын дьаһан. «Оо, доҕоор, ол ханна көрдүҥ? Көрдөөбүтүм
ыраатта, кырдьык, ырбыт дуо?» — өрөһөлөннө Көстөкүүн. Биһиги
«сүрэҕэ суох дьон» оннооҕор итинник ырыган сылгыбыт суох. Эн
бэйэлээх кур лампа оттоох сиргэ тоҕо баайан туруоран, бэйэлээтэр
бэйэҥ аккын ырыардыҥ диэн итэҕэтэн эрэриттэн Агаан эрдийдэ.
«Ол сүөһү, кырдьык, ханна турарын көрдүҥ?» «Илин Талахтаах
икки Тоҕус Таалалаах икки ардыгар алыыга турарын дьон көр-
бүт. Баҕар, миигин албын диэтэргин кыһаныма...» Бараары оҥос-
тубута буолан тэллэҕин тэбэннэ. «Агаан, кытаат, манньалыам,
ол эргин сылдьар дьон аппын тутан Абыйга аҕалан биэрдэргит
эрэйгитин төлүөм. Бу Сырдык Күөл мыраҕаттата баар». «Суох, ол
эргин сылдьыбаппыт. Уонна ордук быам-туһаҕым да суох, онон
бэйэҥ дьаһан. Аны киһи ырыган ата ол-бу буоллаҕына эппиэтэ
миэнэ дуо? Суох, балыккын бэйэҥ мэҥиэһин». «Доҕоор, Агаан,
куул аҥаара мыраҕаттаны кытта бу атым сулара — хатыһа. Уон­
на борохуот быатыттан хатыллыбыт оҕууру бэлэхтиибин», — диэн
Көстөкүүн киһитин силлибэт сириттэн ылардыы кимиэллээхтик
киирдэ. Агаан аат харата аһы ылан хатыһынан кэлгинэн, аты ки-
минэн эмэ тиксэриэм диэн араҕыстылар. Көстөкүүн Агааны көр-
сөн ыстырыыстыы сылдьан, хата атын булбутуттан үөрэн күрэйин
сотору-сотору үөһээ күөрэппэхтээн табаларын охсон кэбистэ.
Агаан аараттан балыктаан, күлүгэр имнэнэн айана тыалланна.
Ньукуйаа курдук киһи ата ырдаҕына уопсай сылгы баранаа ини.
Албыны миигин булбут дии. Албынныыр ити баар, эн эрэ аккын
көрө иликпин.
Көстөкүүн атын көһүтэн көрдө да ата мэлийдэ. Кэлин дьон-
тон иһиттэҕинэ, ата кур эмис кыстаан кыахтаах эрэ киһи мии-
нэр көлөтө курдук дьулайа көрөллөрө элбээбит. Үөрэ суох икки-
үс бэйдиэ аты кытта Балаҕаннаах сиэнин устунан дьабыҥнанан,
барахсаны дьон идэһэлэммит киһи диэн уостарын-тиистэрин
салбанаахтыыллар эбит. Кыһыннары көҕүрээн көрбөт сыалаах
сылгыга кураанаҕынан силлэрин быһа ыйыстыахтара суоҕа дуо.
Көстөкүүн бэйэтинэн киирэн биэрэн ыраастык албыннаппытын
98