Page 59 - Поэзия күнэ
P. 59
ПЕТР ТОБУРУОКАП
Сиргэнэбин...
Сиргэнэбин мин эһигиттэн —
Сиргэ тиийэ тоҥхоҥнууртан
Сис ыарыһах буолбуттартан,
Тыыннаах күлүктэртэн,
Ньылаҥсалартан,
Эһигиттэн —
Упразлениелар дьиэлэрин
Улаҕа ааннарынан
Орохоччуспуттарган.
Сиргэнэбин эһигиттэн —
Үрдүкү тэрилтэ боруогар
Үөмэн чугаһааччылартан,
Дьоһуннаах ааттаах тэрилтэҕэ
Тохтуу эрэ түһэн таҕысталлар,
Чоноччу туттааччылартан.
Сиргэнэбин эһигиттэн —
Министри кытары
Билсэргитин биллэрэн,
Бэрдимсийэн,
Оҕону-дьахтары
Отой таба көрбөккө,
Уочараты-бэрзэдэги
Ортотунан хоноһооччулартан.
57
