Page 61 - Поэзия күнэ

КОНСТАНТИН ТУЙ ААР Ы СКАЙ

Хотугу хорсун дьон

Мускуурдаах-буурҕалаах олоххо
Мунумтуо, муккуктуур буоллахха,
Туундара (бөрөҕө тубэспит
Тулаайах тугуттуу) тулуппат.
Бу иһин буурҕалаах Булуҥҥа
Тулуурдаах туйгун дьон мунньустар.
Холорук буурҕа, тыал доҕорун,
Хомурах анныгар хонорун,
Хорсуннук айанныыр сырыытын,
Хотугас-кыайыгас улэтин —
Хорсун дьон хаһан да, ханна да
Хотугу дойдуга суҥхарбат.

Холорук — куруутун доҕоро,
Хомурах — олорбут олбоҕо,
Үгэһэ — өрүүтүн үлэлиир:
«Үлэттэн, мин дойдум тупсуо!» — диир.
Бу дойду буркуннаах олоҕор
Булчут уол букатын н о м о б о н .
Хоодуот дьон — хорсун дьон айма5ын
Хотугу буурҕа тыал чаҕыппат,
Түүлээхсит, балыксыт, табаһыт
Түүн кытта суол ыйар сулустаах,
Кэскиллээх-саргылаах айаҥҥа
Кириэмил сарыала маяк баар.
59