Page 68 - Поэзия күнэ

ИННОКЕНТИЙ ЭРТЮКОВ

Партийной үлэһит
Саҥа олох сааскы сардаҥатын
Саха ыалыгар илдьэ киирбитэ,
Норуотум таптыыр улуу партиятын
Хоодуот санаалаах, хорсун киһитэ.
Олоҥхоһут омук уола буолан
Ол кэрэ, ол үлэһит киһини,
Ньургун Боотурга — күнүм сирин дуолан
Күүстээҕэр тэҥниибин мин кинини.
Кинини тыыннаахтыы көммүттэрэ
Үрүҥнэр Варшава чугаһыгар,
Сүүһүгэр сулуһу быспыттара
Фашистар кыраныысса таһыгар.
Дуолан бухатыыры өлүү кыайбат,
Туран испитэ, тиллэн испитэ,
Өрүү чугуйбат, өрүү сылайбат
Коммунист партиям хорсун киһитэ.
Били Волга кытылын босхолуур
Өстөөҕү үүрэн, кимэн киириигэ,
Кини испитэ суолбутун солуу
Кутаа уокка, инники кирбиигэ.
Маҥнайгы трактор кыра мотуорун
Кини собуоттаан тигинэппитэ,
66