Page 66 - Поэзия күнэ

Килэдийэр ньуургун кэрэхсээннэр,
Кэрээбэккэ кэҕэлэр чоргуйбуттар.
Сиэргин-силиккин ситэрэннэр,
Сибэккилэр тулаҕар үүммүттэр,
Суһуохтарын намылыччы түһэрэннэр,
Сэмээр тирэхтэр сүгүрүйбүттэр.
Эйиэхэ баар — эриэккэс айыл5а.
Эйиэхэ баар — бараммат баай, барҕа.
Быйаҥын күөстүү үллэ туруоҕа.
Булдуҥ, балыгыҥ хоронуо суоҕа.
Эйигин, бу дьикти саха Рицатын,
Эппэйэр сүрэхпиттэн таптаатым,
Эн кэскилгин сырдыкка ыралаатым,
Эн тускунан бу ырыа ыллаатым.
Рицаҕа курдук дьон эйиэхэҕэ
Эрчим күүс ыла, сынньана кэлиэҕэ,
Хаһан эрэ бу хайалаах дойду
Хайҕаныа Кавказ халлаанын курдук.
Бардар бараммат киэҥ дуолгар
Баарыстар туналыһа устуохтара.
Ыйдыҥалаах киэһээҕэр, ыккый ойуургар
Ырыа дорҕоонноро кутуллуохтара.
Килэдиспит үрүҥ таас дьиэлэр
Күлүктэрин эйиэхэ көрүнүөхтэрэ,
Ким билиэй, ким таайыай, араас дьиктилэр
Киһи килбиэн өйүттэн үөскүөхтэрэ.
Халлааҥҥа харбаспыт хайа күөлэ —
Хорото, эн бааргын айыл§а киэргэлэ
Эйигин саха кэрэ Рицатын
Истиҥ тылынан бар дьон ааттаатын!
64