Page 65 - Поэзия күнэ
P. 65
ИВАН ФЕДОСЕЕВ
Саха Рицата
Томороон долгуннаргын хорото,
Тоҕо уордайдыҥ, Хорото?
Кырылас таастаах кытылларгын
Кыйаханан тоҕо кырбыыгын?
Көмүс толбонун түһэрэҥҥин
Күлүмүрдүүр бэйэҥ ханнаный?
Эйэҕэс мичээргинэн дьэрэлийэҥҥин
Эрэһэлэнэ устарыҥ ханнаный?
Кыһыл балыктаргын кыйдаама,
Үрүҥ балыктаргын үргүтүмэ,
Хахаарар куоҕастаргар ханыылаһа,
Кэллим киэҥ киэлигэр балыктаһа.
Сылга биирдэ кэлбит ыалдьыккын, -
Сылаанньыйан көрсүөх да эбиккин.
Кэбис, көрдөрүмэ уордайбыккын,
Көрдөр көрсүөкун, истиҥҥин.
Хатталаспыт хара былыттар
Хайаларгар иҥнэн турбуттар.
Эн томтойор түөскэр ымсыырбыттар,
Ибиирэр ардаҕынан ытаабыттар.
Эһэ оҕолоро мэниктээннэр,
Эйиэхэ таастары тамнаабыттар,
63
