Page 69 - Поэзия күнэ

Трактор үлэлээн, дойдум урдүнэн
Сааскы күөх унаары түһэрбитэ.
Коммунизмы тутуу уһун суолун
Аҕыс уон аҕыс аргыардаах аартыгын,
Очурун-чочурун билэр буолан
Сирдьиппит кини урут, билигин.
Муора халытар, хайаны суорар
Модун күүстээх бухатыыр да дьоннор,
Күүстэрэ мөлтүүр, арыт мунаарар
Күннэригэр кинини күүтэллэр.
Партийнай үлэһит онно кэлэр
Күүс эбнллэр, күдэх түмүллэр,
Хайа суоруллар, муора дэбиллэр
Оннук күүсгээхтэр ол кэрэ дьоннор.
Ыйга, Марека ыытыллар ракета
Ымпыгар-чымпыгар, дьулууругар,
Партийнай үлэһит куүс көмөтө
Уот гөлөн, тэтим буолан угуллар.
Ыраас санаалаах, көнө сүрэхтээх,
Ырыа курдук сайабас майгыннаах,
Партийнай үлэһит онон күүстээх,
Ол иһин бар дьоҥҥо тапталлаах.