Page 108 - До5ордуулар суруйсуулара

пленумҥа этиим бүтүүтүгэр чааһынай массыынаны элбэтии
сыыһатын туһунан баара. Онно «ЛГ» тахсыбыт «Не все золото,
что блестит» диэн ыстатыйаҕа сигэммитим. Онтукам куоракка
тиийэ охсубут. Онон чааһынай массыыналаахтары күлүү гынар
буолтар: «биинтэнэн, гаайканан туолбут төбөлөөхтөр» диэн. Оттон
ол дьонуҥ аны миигин бэйэлэрин массыналарыгар олордуо суох
буолаллар үһү. Дьэ, итинник бэйэм кыахпынан киирсэбин. Онон
кыахпыт баарынан киирсиэх диэн ыҥырыыгын ылынабын!
Эн суругуҥ инники аҥарын кытта сөбүлэһэбин. Итэҕэс-
быһаҕас, сыыһа-халты, токурутуу биһиги үлэбитигэр элбэх
быһыылаах. Ол гынан баран наар онно эрэ хараҕы хатыыр,
үчүгэйи, кэрэни, айымньылааҕы көрө сатаабат буолуу алҕас.
Үчүгэйи, кэрэни, айымньылааҕы хайа кыалларынан
аҕытаассыйалыахха, пропагандалыахха. Оччоҕо куһаҕан да
аҕыйыан сөп. Наар куһаҕаны көрөр буоллахха, оптимизмтан
пессимизмҥа түһүөххэ сөп. Оттон олоххо саамай кылаабынайа
оптимизм буоллаҕа дии...
Бары үчүгэйи баҕара хаалабын, Дмитрий. 17.05.74 с.

- 22 -
Ньукулай, дорообо!.. Конституция саҥа бырайыагын 45 ыст.
өйөөн, «Ленинскэй тэрийээччигэ» ыстатыйа таһааттардым. Үөрэххэ
быраап туһунан суруйбутум. Эбэһээтэлинэй орто үөрэххэ
киириини хайҕаан. Үөрэхтээһиҥҥэ сайдыыбыт кырдьык дохсун.
1917 с. тыһыынча киһиттэн 7 киһи ааҕар, суруйар буоллаҕына,
билигин бары бүттүүн орто үөрэххэ киириигэ тиийэ үүннүбүт.
Маныаха Сэбиэскэй былаас өҥөтө улуу. Маны норуокка ситэ
үчүгэйдик тириэрпэппит. 8-с кылааска тиийиэхтэригэр диэри оҕолор
Ленин «Ыччат сойууһун соруктара» диэн үлэтин билбэттэр ээ.
Сана конституцияны кумааҕыга буолбакка, дьиҥнээх олоххо
туттар буоллар. Оттон дьиҥинэн олоххо туттууну харгыстыыр
элбэх буолуохтаах. Холобур, үөрэххэ быраабы да ылан көр.
Үрдүк үөрэххэ оробуочай, колхозтаах оҕото киирэрэ төһө
бырыһыан буолуой? Ордук бэрик туттуллар буоллаҕына. Бэрик

106