Page 109 - До5ордуулар суруйсуулара

быһаарар буоллаҕына, быраабыҥ салгыҥҥа ыйанар. Ол иһин
Ленин эттэҕэ, бэрик баар буоллаҕына, политика суох диэн.
40 ыст. үлэҕэ быраап эрэдээктээх буолбут быһыылаах. Урукку
конституцияҕа үлэҕэ быраап хааччыллыытын биир усулуобуйатынан
үлэтэ суох буолууну суох гыныы этэ. Ити этии сана
бырайыакка суох.
Сана бырайыакка оробуочай, үлэлээн иитиллээччи туһунан
олус аҕыйахтык этиллэр. «Бүттүүн норуот судаарыстыбата» диэни
үлэлээн иитиллээччилэр судаарыстыбалара диэх баара. Тунеядец,
сүүлүк, үспүкүлээн... син биир «норуоппут» диир буолуохтаахтар.
Ол инниттэн социализм урукку принцибин «кто не работает, тот
не ест» диэни оннунан хаалларыах баара. Ол билигин суох.
Онон элбэх лазейкалаах бырайыак быһыылаах...
Бары үчүгэйи баҕара хаалабын Дмитрий. 9.06.77 с.

. -23-
Ньукулай, дорообо!...
Ити эн этэриҥ курдук, ыччаты үөрэххэ, наукаҕа, искусствоҕа
үөрэтии кыра. Кырдьык, «майгыны-сигилини, дууһаны, киһи ис
айылҕатын сайыннарыахха наада». Ол гынан баран, майгыны-
сигилини, дууһаны, киһи ис айылҕатын ким туһугар, ким
интэриэһигэр сайыннарыы быһаарар оруолу ылар. Итилэри
капитализм да дойдуларыгар «сайыннараллар», оттон биһиги
буоллаҕына материальнай уйгуну айар дьон интэриэһигэр,
коммунизм туһугар сайыннарыах тустаахпыт. Онон ханнык
баҕарар боппуруоһу классовай позицияттан быһаарыы
кылаабынай. Ону буоллаҕына, биһиги бары бүттүүн норуот диэн
биир хааһы оҥорон эрэбит. Ити туохха тиэрдэрэ биллибэт.
Бары үчүгэйи кытта Дмитрий. 17.07.77 с.

-24-
Ньукулай, дорообо!..
Урут суруйдаҕым буолуо, биһиэхэ баай уонна дьадаҥы
(расслоение) баар буолан эрэр былааннаах. Итинник буолла да

107