Page 113 - До5ордуулар суруйсуулара

- 28 -
Ньукулай, дорообо!..
Бюрократтар, карьеристар саба бүрүүкээн эрэллэр буолбат
дуо? Олох саба олороллорун кэтэһэбит дуо? Туоратыахтара диэн
куттаныы — хоргус быһыы. Партийнай принцип иһин өлөрү-
тиллэри аахсыбакка охсуһуохха наада.
Бээһээ киэһэ 7 чаастан 12 чаас түүҥҥэ диэри партийнай
мунньахтаатыбыт. Маркины нан сирэйдээн обкому
кириитикэлээтим. Тахса сырытта да дьону, партийнай маассаны
кытта кэпсэппэтэ, үлэҕэ күүрдүбэтэ диэн. Онно Николаевы
утары туруордум (Минсельхоз), дьону кытта кэпсэтэр, тэрийэр
диэн. Обком стилэ итинник буолан, Маркин итинник сылдьар
диэтим. Онтон бэйэм Райкоммун кириитикэлээтим. Түмүкпэр бу
дьон уурайаллара наада диэх курдук эттим. Онон, быһатын
эттэххэ, баппакка олоробун. Оттон оскуола иһинээҕи
кириитикэни этэ да барыллыбат.
Бүгүн пропагандистар семинардарыгар кэлэн олоробун.
Сарсын эмиэ эбиэккэ диэри буолар. Киэһэ конституция туһунан
дакылаат оноруохтаахпын.
Бары үчүгэйи баҕара хаалабын, Миитэрэй. 5.10.83 с.

-29-
Ньукулай, дорообо!
«Лирика туһунан кылгастык» диэнҥин аахтым. Сонун өйү-
санааны эппиккин. Төһө ылыналлара буолла? Мин санаабар,
сөп этии. Сем. Данилов «Күн аайы санатык...» диэниттэн быһа
тардыы аҕалбыккын. Ити кэрчиккэ, мин санаабар, ким баҕарар
илии баттыан сөп: буржуазнай да, сэбиэскэй да поэт. Мин
санаабар, ханнык баҕарар хоһоонугар сэбиэскэй поэта биллэ
сылдьар буолуон наада... Итини эн туох диигин?
«Кынаттаах ыралары» аахтым. Тиэмэтэ наадалаах. Уус-уран
өттүнэн, олоҕу дириҥник билиитинэн «Дьикти сааска» тиийбэт.
Холобур, «социалистическай күрэхтэһии» диир, «куоталаһыы»
диир оннугар, ааспыт бириэмэнэн суруйар. Ити сыппатар

111