Page 110 - До5ордуулар суруйсуулара

бары куһаҕан барыта баар буолуо. Мин санаабар, соҕуруу да,
манна да миллионердар баар буолан эрдэхтэрэ. Бу норуот
көлөһүнэ хаччыга кубулуйбутун илиилэригэр ылбыт дьон. Бу
дьон, хаччыга үҥүү баарына, араас наадыйыыларын барытын
толорорго дьулуһуохтара. Оччоҕо ону ситиһээри орто араҥа
дьулуһуоҕа. Орто араҥа сороҕо дьадайыа, сороҕо үөһэ араҥаҕа
тахсыа. Полюстар үөскүөхтэрэ. Ол иһин киһи киһиэхэ
сыһыанын бу киһи туһалаах дуу диэнтэн таһааран эрэллэр. Бу
антагонистическай утарсыыга тиийэ барыан сөп. Ол иһин ордук
уурууну кэмиттэн кэмигэр судаарыстыба туһатыгар ылан иһпэххэ
наада. Оччоҕо үпкэ-аска талаһыы намтыа уонна поляризация
үөскээһинэ арыый сымныан сөп. Социализм ордуга онно костүө
этэ. Оччоҕо үп эргиирэ да улаатыахтаах...
Бары үтүөнү кытта Дмитрий. 18.12.77 с.

-25-
Ньукулай, дорообо!...
Олус кыһалҕалаах кыстык кэлэн турар. Өлөрүллүөхтээх
сүөһүнү күн бүгүҥҥэ диэри аһата туруораллар. Ол сүөһүлэрэ
уойан киһи сиир буолуоҕунааҕар охтон өлөллөрө буолуо. Мин
саныыбын, бюрократия норуокка буортуну оҥоруута акаары
өстөөхтөөҕөр дириҥ быһыылаах. Бюрократия норуокка олус
ыарахан баттык. Алтынньыттан ыам ыйыгар диэри өлүөхтээх
сүөһүнү алтынньыга өлөрбүт буоллар төһөлөөх барыыс буолуо
этэй, үпкэ, окко, норуот аһыгар. Билигин собулҕаны сиэтээри
сор буолуо. Төһөлөөх сүөһү охтон өлөрө буолла? Саха сирин
холодильныгын туһаммат салайааччылар, ама салайааччылар
буолуохтара дуо, олохтоохтор даҕаны, соҕуруулар даҕаны. Салайар
бюрократия норуотган тэйбитин түмүгэр итинник сүөһүгэ
сүөһүлүү сыһыан тахсар. Ити норуокка кыһаммат буолуу түмүгэ.
Ити сытыйыы уонна «ЧП»! «Үрдүбүт үүс бэргэһэ, анныбыт
адьыр уу». Онон эн түмүктэргин кытта сүүс бырыһыан сөбүлэһэбин.
Итинник салалта былааһы ылан олорор. Кинини «сахсыйыы»
көннөрү ньыманан кыаттарбата буолуо. Саҥа ньыма наада -

108