Page 112 - До5ордуулар суруйсуулара

уопсастыбаннай наукалары партиялаах учууталлар үөрэтиэхтээхтэр,
ону хас оскуолаҕа үөрэттэрэҕит, оскуолаларга партиялаах
учууталлары лимитинэн хаайан ылларбаккыт, уонна хайдах
коммунистара суох коммунистыы өйдөөх-санаалаах ыччаты
иитгэрээри гынаҕыт диэн куолулаатым. Мүрү оскуолатыгар
аҕыйах сыллааҕыта интернакка оройуон салайааччьшара
кыттыылаах арыгылааһыны тэрийбиккит. Ол түмүгэр билигин
оҕолор арыгылыыллар, ону соһуйбута буолаҕыт диэтим.
Киһи буолан, ааспыт ыйга икки үчүгэй дьыаланы оҥордум
диэххэ сөп. 14.08.82 с. икки суругу суруйдум: бастаан ССКП КК-
гар, ВС Президеныгар Мин. Советыгар. Оскуола реформатын
боппуруоһугар үөрэх кэмин кылгатыҥ диэн, алтынньыттан муус
устар бүтүөр диэри ыыттарын диэн. Оҕолору онтон атын кэмҥэ
үлэлэтиэххэ сөп. Ити түмүгэр оробуочайдар, колхозтаахтар
үлэлэрин чааһын кылгатыахха. Ити сурукпун Главная инспекция
народного образования МП СССР ыыппыттар, онтон маннык
диэн суруйбуттар: «Благодарим Вас за заботу о дальнейшем
развитии системы народного образования. Ваши соображения по
этому поводу будут доложены Комиссии по подготовке реформы
общеобразовательной школы и по возможности учтены».
Иккис суругум Н.В. Черскэй аадырыһыгар Мэхээлэ
Уйбаныабы үлэҕэ ылар наадатын туһунан. «Да, Иванов - не
сахар, но интересы науки должны брать верх», - диэтим. Онтум
туһалаабыта эрэ, 20/Ү111 үлэҕэ ылбыт дии.
Бастакы суругум бюрократтар папкаларыгар хаалар
былааннааҕа.
Андропов ити үлүгэр дьиссипилиинэ туһунан эппитин, ити
үлүгэр пленум, көрсүһүү буолбутгарын үрдүнэн, манна тугу эрэ
билэллэр быһыылаах, аат эрэ харата, көрүнньүк ыыттылар. Ол
түмүгэр бэрээдэги кэһии, ыарахан буруйу оҥоруу ааспыт сыл
билиҥҥи кэминээҕэр балтараа төгүл элбээбит... Соҕуруу ордук
күүскэ утарсаллар быһыылаах... Итинник олорон оҕолору
сырдыкка, ырааска ыҥырыы олус ыарахан...
Дьоҥҥор привет! Миитэрэй. 24.09.83 с.

ПО