Page 16 - До5ордуулар суруйсуулара

биһиги, баҕар, ыраас, истиҥ дууһалаах буолуохпут. Оттон кырдьан
истэх аайы тымныйан, хатыран иһиэхпит суоҕа диэн ким этиэй?
Итини өйдүөххэ эрэ, куруук эдэр буолар иһин охсуһуохха, доҕоруом!
Дууһа хатырыыта, кырдьыыта ынырык... Туругурдун куруук эдэр!!!
Манна миэхэ эн курдук «идейнэй доҕор», дуоһуйа сэһэргэһэр
киһи суох. Бу чааһыгар эйигин ахтабын, санаабын ааҕыынан
аралдьыта сатыыбын. Үчүгэй кинигэни ааҕыы — эмп!
Суруккун күүтэр буолуом, Ньукулай. 27.02.53 с. Эһэлээх б.

-7-
Доҕорум Митя! Эн суруккун тутуом иннинэ суруйабын.
Эҥин-эҥин да күннэр ааһыталаатылар. Улуу сирдьиппит суох
буолла диэн киһи итэҕэйиэн баҕарбат, оччо биһиги киниэхэ
үөрэммиппит. Кырдьыга да үйэлэргэ биирдэ төрөөн ааһар киһи
буоллаҕа... Киэһэ 8 чааска кулууппутугар миитиҥҥэ тиийбитим,
хаһааҥҥытааҕар да элбэх киһи мустубут. Киирэн-тахсан
сааҕынаспакка, хаһан да буолбатахтык чуумпуран, умса туттан
олороллоро. Миитини хайдах курдук кутурҕан чуҥкуйууТунан
истибиттэрэй!
9 чааска Москваны истибиппит. П.Маленков, Молотов,
Берия долгутуулаах этиилэрэ буолта. Молотов оҕонньор, мин
санаабар, ыар аһыыттан күөмэйэ бобулла-бобулла, хараҕын уута
саккырыы туран эттэ быһыылааҕа. Ити үс баһылыктарбыт
этиилэрэ хайдахтаах инникигэ эрэли үөскэтэллэрэй! Улуу
партиябыт, норуоппут ыстааллыы биир ньыгыл сомоҕото чахчы!
Итини бу бүгүн хоспор олороммун аҕам оҕонньору кытта биир
кини курдук үөлээннээҕэ суол ааныгар кэпсэппиттэрин
иһиллээбитим да туоһулуур. Иккиэн 80-чаларыттан тахсыбыт
кырдьаҕастар. Кинилэр ис санааларын бу курдук эппиггэрэ:
- Аа-ээ, дьэ бу оҕонньору салҕаан үлэлиир киһи баар
буоллаҕына, дьэ үчүгэй... Төһө эрэ үчүгэй буолар этэ. Көр эрэ,
дьэ киһи аххан да кэлэн ааста... Бары сөбүлүүр гына дьаһайда,
бары сөп диир гына. Аа-ээ, дьэ, бу дойдунан, сааһа эдэрэ
эбитэ буоллар, биирдэ көстөн ааспыта буоллар ханнык...

14