Page 20 - До5ордуулар суруйсуулара

будни» диэни А.Твардовскай хайҕаабыт этэ. Эн бу айымньыны
түбэстэххинэ аах эрэ. Союз үрдүнэн да баар проблемалары сөпкө
көрдөрөр быһыылаах.
Билигин оскуолаларбытыгар сэрии, сут тэбиититтэн сааһа
ааспыт оҕолор үөрэнэ сылдьаллара элбэх, ону бэрээдэктиир сөп
буоллаҕа буолуо. Кинилэргэ анаан киэһээни кылаастары
аһыталыах да баара.
Уонна быйыл арыгылааһыны, моральнай сатарыйыыны,
итэҕэли утары охсуһуу күүһүрэн эрэр. Дьэ, бу саамай сөпкө
көтөҕүллэн эрэр боппуруос. Сотору суруйааччылар съезтэрэ
буоларынан да сибээстээн буолуо, «Литературнай газетаҕа»
Ф.Гладков улахан ыстатыйата дьүүлгэ таҕыста. Соҕуруу киэҥ
кэпсэтии баран эрэр. Арай биһиги республикабытыгар «ньам»
курдук.
С приветом Ньукулай. 5.10.54 с. Эһэлээх.

- 12-
Митя, привет! Сонунум диэн Авксентий Егоровиһы Инстутут
партийнай мунньаҕар дьүүллээбиттэрин туһунан иһиттим. Бастакы
үс суруйааччылары көмүскэһиигэ уо.д.а. националистическай
боппуруостарга алҕастарын мунньан бэйэтин партийнай
тэрилтэтигэр дьүүллээбиттэр. Икки-үс күнү быһа барбыт, бэт
киэҥ кэпсэтии буолбут. Дьиҥ иһэ эмиэ Башарины курдук
садаҕалыырга соруммуттара кыаллыбатах. Буруйдааччыларынан
Избековтар эҥин үһү да, коммунистар быдан үгүстэрэ
көмүскээбиттэр. Кини бэйэтэ бэт холкутук, астыктык
кириитикэһиттэргэ хоруй биэртэлээбит. Саха сиригэр марксизм
тарҕатыытыгар туох баар үтүөлэрин билинэн туран
«быыгабарынан» муҥурдаммыттар.
И. Эренбург «Оттепелин» көтүмэх соҕустук ааҕан турабын.
Сорох миэстэлэрэ интэриэһинэйдэр да, бүтүннүүтүн сабаҕалыырга
өйбөр улахан туох да хаалбата. И.Эренбург уонна К.Симонов
бэйэлэрин ыстатыйаларын ааҕыталаабытым. Хомойуох иһин,