Page 18 - До5ордуулар суруйсуулара

өттүнэн. Нуумча улуу классиктарын стилинэн суруллубут. Саха
ыалын былыргы балаҕан иһинээҕи олоҕо, Никита оҕо
эрдэҕинээҕитэ - шедеврдэр. Оттон Саха сиригэр бастакы
ленинецтэр кэлиилэрэ, гражданскай сэрии кэминээҕилэр
публицистическай стилгэ чугастык ойууланаллар. Итини мин
революцияны, нуучча норуотун оруолун ситэ көрдөрбөтөх диэн
кириитикэлээбиттэриттэн күһэллэн суруйбутуттан буолуо дии
саныыбын. Суруйааччыны күһэйэн «тупсаттарыы», «идеятын
күүһүртэрии» тэбиитэ итинник төттөрү өртүгэр дьайар буоллаҕа.
Итини эн туох дии саныырыҥ буолла.
С приветом Ньукулай. 7.04.53 с. Эһэлээх.

- 10-
Миитэрэй, дорообо! Араас түбүккэ үтүрүйтэрэн эйиэхэ
суруйбакка сырыттым. Эн суолгун батыһан партияҕа
кандидатынан киирдим. Уонна мин тус олохпор улахан
уларыйыы буолла: таптыыр кыыспынаан (нэһилиэк биэссэринээн)
кэргэннэнним. Икки өттүттэн өр билсэн, таптаһан холбостубут.
Сыбаайба оскуола биир улахан кылааһыгар толору киһилээх
барда. Биһиги билсэрбитин бэт чугас дьон эрэ билэллэрэ
буолуо. Дэриэбинэ ыала билбэккэ, соһуйан эрэ хааллылар.
Биһиги кэммитигэр сыбаайбаҕа ыҥырсыы, подарок эҥин диэн
үөскүү илигэ, онон ким баҕалаах бука бары сырыттылар, эҕэрдэ,
уруй-айхал бөҕөтө буолла, бары көмөлөөн тэрийбит курдук
буоллулар. Учууталлар арыгы аҕалбыггара, биир аҕамсыйбыт
колхозтаах көмөлөстөҕүм сана ыал буолар дьоммор диэн 50
солк. хаччы биэрдэ. Тыа боростуой аһа-үөлэ дэлэй, орпутун
оскуола оҕолоро тобугураттылар, онтон ордугун сиэптэригэр
уктан илдьэ бардылар. Биир да итирик-кутурук суох. Саас Маай
бырааһынньыгын кэнниттэн этэ. Оһуохай, ырыа-тойук, алгыс
тыллар кэннилэриттэн бары астынан-үөрэн тарҕастылар.
Сыбаайбалаахтар биһиги да, хата дьоммут күргүөмүнэн кэлэн
аһаан-сиэн, үөрэн-көтөн бардылар диэн астынныбыт. Кырдьаҕас

16