Page 15 - До5ордуулар суруйсуулара

- 6 -
Митя, привет! Сэбиэттэр быыбардара үчүгэйдик ааста. Мин
быыбарга секретардаатым. Икки түүнү быһа утуйбакка сылайыы бөҕө
буолла. Нэһилиэнньэ актыыбынаһа сүрдээх. Быыбар кэнниттэн
колхоз отчуоттуур-быыбардыыр ньиргиэрдээх мунньаҕа буолла.
Манна төрөөбүт уонна үлэлиир буолан, бу колхоз чилиэнин курдук
көстөммүн мунньахтарыгар кытынным. 300-кэни эрэ кыайбат киһи
муһунна. Бэрэссэдээтэл Ушницкай Михаил Николаевич, бухгалтер,
ревкомиссия отчуоттаатылар. Бэрт элбэх боппуруостар, тыл этиилэр
буоллулар. Мин эмиэ тыл эттим. Саҥа салайар састаап талылынна.
Бэрэссэдээтэлинэн Стручков Николай Яковлевич буолла. Мунньах
күн ортотуттан саҕаланан баран, нөҥүө сарсыарда бүттэ. Дьон
тылламмыта, кириитикэ тэнийэр буолта чахчы...
Биһиги оскуолабыт директорын Дегтярев Н.И. ууратан Замятина
А.И. солбуйдулар. Дегтяреву чааһынайыгар олус охтор (ордук бултка)
диэн кыайдылар быһыылаах.
Дьэ, Митя, эн суругуҥ ис хоһоонуттан биллэххэ, олоххор
кытаанахтар баар быһыылаахтар, ону чуолкайдык суруйбатаххын дии
санаатым. Олоххо кинигэҕэ ааҕар курдук буолбатаҕа биллэр. Үөрэххэ,
кинигэҕэ, киинэҕэ барыта идеянан салаллар, онно бас
бэриннэриллэр. Отгон олоххо бэйэтигэр атыннардаах. Олох араас
өрүттэрдээҕэ, уустуктардааҕа сыттаҕа. Олох уустугун, эрийэтин-
буруйатын билбэттэн араас соһуйууга-уолуйууга, санаа түһүүтүгэр
түбэһиэххэ сөп. Туох даҕаны санаа хоту баран испэт, хата, арыт,
төттөрү буолар. Үөрэтэр-иитэр үлэ ыарааһына. кыайтарбата бэрт
элбэхтэн тутулуктаах буолуон сөп, ону харахтан сыыһы ылбыт курдук
көннөрө охсор уустук. Митя, ити мин санаабын, баҕабын эрэ этэбин,
отгон бэйэм дьыалам эмиэ ыарахан. Мин Гоголь биир этиитин
(бадаҕа Плюшкины ойуулууругар) эдэр ыччакка туһаайан эппитин
өйдүүбүн. «Кытаатан эдэр эрдэҕинээҕи ыраас дууһаҕытын, истиҥ
дьулуургутун, иэйиигитин, эдэр саас кэрэтиттэн тугу да хаалларбакка.
илдьэ барыҥ, хааллартаатаххытына, хойут кырдьаргытыгар
онтукаҕытын булан ылыаххыт, төннөрүөххүт суоҕа, кытаатан
сүрэххитин, дууһаҕытын хатырдыман!» - диэн эппиттээх. Билигин

13