Page 32 - До5ордуулар суруйсуулара
P. 32
- 25-
Миитэрэй, дорообо!..
Көлөһүннээччилэри кылаас быһыытынан урусхаллааһынынан,
былааһы кинилэртэн былдьаан ылан, үлэһит норуокка биэриинэн
муҥурданан хаалыы, бары бүттүүн биир буоллубут диэһининэн
дуоһуйуу кыра. Көлөһүннээччилэр кылаас быһыытынан
эстибиттэрин, былааһы былдьаппыттарын иннигэр кинилэр
тымырдара-сыдьааттара, өйгө-санааҕа, майгыга-сигилигэ иҥэрбит
кэмэлдьилэрэ бэт өр сүтэн-оһон биэрбэт, өссө салалта
сатамматаҕына хаг күөдьүйэн, көбөн кэлэр эбит. Социализмы
утары аһаҕастык охсуспакка, социализм диэки буола сылдьан,
коммунист, актыбыыс буолан көстө сылдьан социализмы
кэрбиэххэ сөп. Бу баар иэдээнэ! С.Васильев «Аччыгый уол» диэн
айымньытыгар маннык тыллар бааллар эбээт:
«Күҥҥэ көстүбэт күрүөлэниим!
Ыйга көстүбэт ыырданыым!
Таһым ньалҕарыйдын,
Иһим хатыыланнын,
Тылым сыаланнын,
Сүрэҕим сүлүһүннэннин!...
Бэйэм сиппэтэхпин
Бэдэрим ситтин,
Бэдэрим сиппэтэҕин
Бэрис гынарым ситтин!»
Дьыала таһын буолбакка, ис дьиҥин көрүү хаһааҥҥытааҕар
да күүһүрүөхтээх эбит. Кириитикэни күүһүрдүү да сэрэхтээх.
Тоҕо диэтэххэ, сыдьааттарыҥ итини эмиэ олус бэккэ
туһаныахтарын сөп. Кириитиктэр, салайааччылар бэттэрэ
кинилэр буолуохтара. Кинилэр кириитикэ уотун чулуу, норуот
бастыҥ дьоннорун утары туһаайыахтара. Репрессияҕа хаарыан
дьоннорбут былдьаммыттарын биир суол биричиинэтэ ити буолуо.
Сымыйа кириитикэни, холуннарыыны, хобу ким хайдах туттарын
сатаан билэр буоларбыт наада. Бюрократизмы, карьеризмы,
эгоизмы, о.д.а. утары сатабыллаахтык охсуһуу эрэйиллэр.
30
