Page 35 - До5ордуулар суруйсуулара

сотору биир сарсыарда дьиэтигэр өлбүтүн истибитим. Ол күн
обкомҥа барыахтааҕа үһү. Таһааралларыгар Парпрос дьиэтигэр
панихида буолбута. Киһи хара баһаам этэ. Соҕурууттан Шундик
баара. Манан аартыгынан мыраан үрдүгэр таһааралларыгар 20-30
массыына, автобус хотоҕостуу субуйбута. Көмпүт кэннэ
пароходство дьиэтигэр тиһэх быраһаайдаһар остуолга олорустум.
Элбэх киһи тыл эттэ. Амма Аччыгыйа: «улахан киһибитин,
суруйааччыбытын сүтэрдибит», - диэтэ. Суорун Омоллоон:
«Дьыалаҕа дьиҥ сүрэҕинэн сыһыаннаһара, оннук киһи сүрэҕэ
хайаан тулуйуой? Үтүө ат турбутунан өлөр, ол кэриэтэ
буоллаҕа», - диэтэ. Башарин нэһилиэстибэҕэ, бэйэтин иннинээҕи
суруйааччыларга сыһыана үчүгэйин тоһоҕолоон бэлиэтээтэ.
Быраата Софрон: «Сымнаҕас киһи этэ буолан баран
принципиальнай боппуруостарга сүрдээх кытаанах, халбаҥнаабат
этэ», - диэтэ. Соҕуруунулар С.эмэни геройга түһэриҥ диэбиттэрин
маннааҕы тойоттор буолумматахтарын курдук кэпсээни
истибитим...
Бары үтүөнү кытта Ньукулай. 1977 с. сэтинньи эргэтэ (күнэ
ыйыллыбатах).

-28-
Миитэрэй, дорообо! Маамабыт Баайаҕаҕа эдьиийин көмөн
кэлбитэ. Тастыҥ балтын уола ньиэрбэтинэн ыалдьарын эмтэтэ
аҕалбыт. Тииһэ, сүнньэ ыалдьан эрэйинэн утуйар. Дусябыт
каникулугар Москваҕа күүлэйдээн кэллэ. Аны Витя бараары
мөхсөр. Аныгы оҕолор кыһалҕалара кыччыгый. Материальнай
быйаҥ бэлэм халлаантан түһэрин курдук саныыллар.
Москвалыыллара барбах дьиэ эргин курдук. Оҕоҕо киһи
аччыгыйыгар эрэ туох эмэ сабыдыалы оҥорор, ону кыайбатах
буоллахха мэлийэҕин. Улааттахтарына аһатаҕын, таҥыннараҕын,
оттон өй, майгы өттүнэн сабыдыалыҥ нуул.
Доҕоор, кыахтаах аххан киһи таах сылдьан хааллаҕыҥ. Ити
биирдэ быыкаатык Кэптэнигэ тыл этэ түспүккэр грамота эҥин.
Уоппуккун, билиигин-көрүүгүн суруйан көрдөргүн, төһө эрэ бар

33