Page 31 - До5ордуулар суруйсуулара

салалта алын маассаҕа бөҕөтүк тирэниэ этэ, маасса санаатын,
тугунан тыынарын билэн, кипи прогрессивнай дьулуһуутун
мэлдьи өйүүр буолуон наада. Оччоҕо ортоку сүһүөх уонна алын
салалта сыыһаны оҥороруттан дьулайар, маассаҕа ордук
бэриниилээх буолуо этэ. Ортокуну үөһэттэн-аллараттан
кыпчыйдахха уҥа-ханас халыйыы көнөн иһиэн сөп. Оччоҕо алын
маасса энтузиазма улаатыа этэ. Үөһээҥи алларааныны билбэт,
өйөөбөт, ортокуну эрэ өйүүр буоллаҕына, кириитикэ, энтузиазм
умуллар. Кырдьыгы булуоҥ суоҕа диэн өйдөбүл үөскүүр.
Ортокулар дьыаланы үөһээнилэргэ таптаабыттарынан
көрдөрүөхтэрэ.
Интеллигенция, биллэрин курдук, бэт уустук, халбаххай
буолара дөбөҥ арана. Кини көрдөбүлэ, өйө-санаата уустук.
Ленин буржуазнай интеллигеннэри сорохторун арыт
проституткаларынан, өйдөрүн, билиилэрин, суобастарын атыылаан
аһаан-таҥнан олорооччуларынан ааггыыра дни. Сатамматаҕына,
билигин биһиги да ортобутуттан нөҥүө-маҥаа барааччылар
үөскүөхтэрин сөбүн ити Сахаровтар, Солженицыннар
туоһулууллар...
Поэзияҕа, бэл, бийиэхэ, сахаларга (ордук эдэрдэргэ), киһи
өйдүү охсубат тына уустуктаан суруйар буолаары гыналлар. Бар
дьон өйүгэр-сүрэҕэр түстүн, биһирээтин диэн суруйар ордук этэ.
Улахан омуктарга, ордук арҕааларга уустуктук суруйар
буолбуттара ыраатта. Кинилэргэ ону сөбүлүүр (с утонченным
вкусом) арана баар. Ол арана көрдөбүлүнэн Россияҕа В.
Хлебниковтар, Пастернак үөскээбит буолуохтаахтар. Оттон
биһиэхэ, сахаларга, оннук туспа арана үөскээри гынара дуу
биитэр олоҕо суох уустугурда, атын омуктары үлүбүөй үтүктэ
сатыыллара буолаарай? Өксөкүлээх, Ойуунускай, Эллэй,
Уурастыырап формаларын салгыы сайыннарар, санардар, бар
дьон өйдүүр, билиҥҥи кэмнэ сөп түбэһэр тына этэр-тыынар
ордук буолаарай?
Дьолу-соргуну кытта Ньукулай. 13.06.77 с. Дьокуускай к.

29