Page 33 - До5ордуулар суруйсуулара

Сорох киһи төһө да билиилэннэр, үөрэҕирдэр, соччонон
ордук киитэрэй, уодаһыннаах буолар. Маннык киһи үчүгэй
балаһыанньаҕа, аакка-суолга, наҕараадаҕа, солоҕо тардыһар уонна
тус бэйэтигэр элбэҕи ситиһиэн сөп, төһө да уопсастыбаҕа, бар
дьоҥҥо дьиҥнээхтнк туһалаабыта дуона суоҕун үрдүнэн. Ол
оннугар көнө, чиэһинэй, бэйэтин иннин көрүммэт, үлэлиирин
эрэ билэр киһи үчүгэйгэ тиксэрэ сэдэх буолуо, арыт үтүөх-
батаах да сылдьыа. Мин санаабар, ити икки тииптэн бастакыта
социализм дьиҥнээх сайдыытыгар тиэрпэт, ол оннугар иккис
тиип ордук кэскиллээх, киниэхэ тирэҕирэр сөп. Дьон
ымсыытын, бэйэмсэҕин, барыһымсаҕын утары охсуһуллуохтаах,
дьон сэмэй, көнө сүрэхтээх, социализм дьыалатыгар бэриниилээх
буолар хаачыстыбата үрдүктүк туттуллуохтаах. Дьон ис
айылҕатын, дууһатын түгэх өттүн көрүү, олору үчүгэй өттүгэр
уларытыы барыахтаах. Науканы, техниканы, үөрэҕи,
производствоны, культураны' үрдүттэн сайыннарар (итилэри
капитализм эмиэ сайыннарар), майгы-сигили, дууһа, ис айылҕа
үчүгэйдик уларыйара, бу буолар уустуктан уустук улуу сорук!
Бары үтүөнү кытта Ньукулай. 10.07.77 с. Дьокуускай к.

-26-
Миитэрэй, дорообо!..
Мин кэлин Распутин икки сэһэнин «Последний срок»,
«Деньги для Марии» аахтым. Иккиэннэрин бэккэ сөбүлээтим.
Хайгыахтарын хайгыыллар эбит. Олоҕу хайдах баарынан
көрдөрөр. Тыла-өһө народнай, ааҕарга чэпчэки. Мораль, майгы
боппуруостарын тоһоҕолоон ойуулуур. Көнө үлэһит, ыраас
дууһалаах дьоннор уонна инхэлээх, бэйэмсэх, албын дьоннор
тииптэрэ арыллар.
Доҕоор, биһиги уопсастыбабытыгар антагонистическай
утарсыы көстүүлэрэ бааллар диир буолтар. «Мораль развитого
социализма (актуальные проблемы теории)», Изд-во «Мысль», М.,
1976 г., Ак. общ. н. при ЦК КПСС таһаарбыт кинигэтигэр маннык
этиилэр бааллар:

31